டாக்கா: வங்கதேசத்தில் மாணவர் போராட்டத்தால் மூடப்பட்ட அனைத்து தொடக்கப் பள்ளிகளும் கிட்டத்தட்ட ஒரு மாதத்துக்குப் பிறகு நாளை (புதன்கிழமை) திறக்கப்பட உள்ளன.
பங்களாதேஷ் முதன்மைக் கல்வி மக்கள் தொடர்பு அதிகாரி மஹ்புபுர் ரஹ்மான் தெரிவித்தார். வங்கதேசத்தில் இடஒதுக்கீட்டிற்கு எதிரான போராட்டங்கள் காரணமாக நாடு முழுவதும் உள்ள தொடக்கப் பள்ளிகளை அரசு ஜூலை 17 அன்று மூடியது. மறு அறிவிப்பு வரும் வரை பள்ளிகள் மூடப்படும் என அறிவிக்கப்பட்டுள்ளது. இதன் போது மாணவர் போராட்டம் தீவிரமடைந்ததையடுத்து, பிரதமர் ஷேக் ஹசீனா கடந்த 5ஆம் திகதி தனது பதவியை ராஜினாமா செய்துவிட்டு இந்தியாவுக்கு தப்பிச் சென்றார்.
இதையடுத்து, அமைதிக்கான நோபல் பரிசு பெற்ற பேராசிரியர் முகமது யூனுஸ் தலைமையில் கடந்த 8ம் தேதி இடைக்கால அரசு பதவியேற்றது.
அரசியல் மாற்றத்தின் பின்னர் நாட்டில் தற்போது அமைதி திரும்பியுள்ள நிலையில், போராட்டங்கள் காரணமாக இடைநிறுத்தப்பட்ட பல்வேறு அரச சேவைகள் மீண்டும் இயங்க ஆரம்பித்துள்ளன. இதன் ஒரு பகுதியாக, கிட்டத்தட்ட ஒரு மாதமாக மூடப்பட்ட தொடக்கப் பள்ளிகள் நாளை (புதன்கிழமை) முதல் வழக்கம் போல் இயங்கும் என பள்ளிக் கல்வித்துறை அறிவித்துள்ளது.
அதேபோல், போதிய பணியாளர்கள் இல்லாததால் பாதிக்கப்பட்ட தேசிய அவசர உதவி எண் 999, இப்போது முழு திறனுடன் செயல்படுகிறது. கூடுதல் காவல் துணைக் கண்காணிப்பாளரும் 999 சேவையின் தலைவருமான முகமது தபாரக் உல்லா இதை உறுதிப்படுத்தினார்.
“நாடு முழுவதும் உள்ள நிலையங்களில் காவலர்கள் இல்லாததால் எங்களால் சேவையை வழங்க முடியவில்லை. நாடு முழுவதிலும் உள்ள அனைத்து நிலையங்களிலும் நேற்று பொலிசார் மீண்டும் செயற்பாடுகளை ஆரம்பித்துள்ளதால், நாங்கள் இப்போது முழு 999 சேவையை வழங்குகிறோம் என்று கூறினார்.
