இந்தி நடிகர் ரன்வீர் சிங்கின் ‘துரந்தர்’ திரைப்படம். இதில் மாதவன், சஞ்சய் தத், அக்ஷய் கன்னா, சாரா அர்ஜுன் மற்றும் பலர் நடிக்கின்றனர். ஆதித்யா தார் இயக்கியுள்ள இந்த உளவு அதிரடி திரில்லர் திரைப்படம் காஷ்மீரின் லேவில் படமாக்கப்படுகிறது.
குழந்தைகள் உட்பட 600-க்கும் மேற்பட்டோர் படப்பிடிப்பு தளத்தில் பணிபுரிகின்றனர். இந்த நிலையில், கடந்த ஞாயிற்றுக்கிழமை இரவு உணவு சாப்பிட்ட பிறகு, திடீரென, குழந்தைகள் உட்பட சுமார் 120 பேருக்கு கடுமையான வயிற்று வலி, வாந்தி மற்றும் தலைவலி ஏற்பட்டது.
இதையடுத்து, அவர்கள் அருகிலுள்ள எஸ்என்எம் மருத்துவமனையில் அனுமதிக்கப்பட்டனர். அவர்களுக்கு சிகிச்சை அளித்த மருத்துவர்கள், உணவு விஷம் காரணமாக உடல்நிலை பாதிக்கப்பட்டதாக தெரிவித்தனர்.
அவர்களில் பெரும்பாலோர் திங்கள்கிழமை மாலை மருத்துவமனையில் இருந்து டிஸ்சார்ஜ் செய்யப்பட்டனர். மற்றவர்கள் விரைவில் டிஸ்சார்ஜ் செய்யப்படுவார்கள் என்று கூறப்படுகிறது.
