ராயன் ஆடியோ வெளியீடு: தனுஷ் இயக்கத்தில் அவர் நடித்துள்ள ராயன் படத்தின் இசை வெளியீட்டு விழா இன்று நடைபெற்றது. இதில் பல முன்னணி நட்சத்திரங்கள் கலந்து கொண்டனர். பிரபல நடிகர் தனுஷ் இயக்குனர் கஸ்தூரி ராஜாவின் இளைய மகன்.
இவர் தனது தந்தையின் “துள்ளுவதோ இளமை” படத்தின் மூலம் திரையுலகில் அறிமுகமானார். தொடர்ந்து பல வெற்றிப் படங்களைக் கொடுத்த தனுஷ் இன்று தமிழ் சினிமாவின் முன்னணி நடிகர்களில் ஒருவராக இருக்கிறார் என்றால் அது மிகையாகாது.
அதே சமயம் கோலிவுட் உலகை தாண்டி பாலிவுட், டோலிவுட், ஹாலிவுட் என பல இடங்களில் தனுஷ் தொடர்ந்து உச்சத்தை தொட்டு வருகிறார். ஏற்கனவே பாண்டி படத்தின் மூலம் இயக்குனராக அறிமுகமான தனுஷ் தற்போது மீண்டும் படங்களை இயக்கி வருகிறார்.
இவர் தனது ஐம்பதாவது படமான “ராயன்” படத்தை இயக்கி நடித்துள்ளார் என்பது குறிப்பிடத்தக்கது. பிரபல நடிகர்கள் எஸ்.ஜே.சூர்யா, பிரகாஷ்ராஜ், காளிதாஸ் ஜெயராம், சுந்தீப் கிஷன், நடிகை வரலக்ஷ்மி சரத்குமார் உள்ளிட்ட பலர் முக்கிய வேடங்களில் நடித்துள்ளனர். படத்தின் இசையமைப்பாளர் ஆஸ்கார் விருது பெற்ற இசையமைப்பாளர் ரகுமான்.
இப்படத்தின் இரண்டு சிங்கிள் பாடல்கள் ஏற்கனவே வெளியாகியுள்ள நிலையில், இன்று படத்தின் மூன்றாவது சிங்கிள் பாடல் இணையத்தில் வெளியாகி பெரும் வரவேற்பை பெற்று வருகிறது. அதே நேரத்தில் ராயன் படத்தின் இசை வெளியீட்டு விழாவும் இன்று பிரமாண்டமாக நடைபெற்றது.
இந்நிகழ்ச்சியில் தனுஷின் தந்தை கஸ்தூரிராஜா, சகோதரர் செல்வராகவன், ரகுமான் மற்றும் படக்குழுவினர் பலர் கலந்து கொண்டனர்.
