தீபாவளி என்றாலே இனிப்பும் காரமும் கலந்த பண்டிகை மகிழ்ச்சி தான். அதிரசம், முறுக்கு போன்ற பலகாரங்களுடன் இப்போது மக்கள் பாரம்பரிய சிறுதானிய இனிப்புகளையும் செய்து வருகிறார்கள். அவற்றில் முக்கியமானது சாமை அல்வா. ஊட்டச்சத்து நிறைந்த சாமை அரிசியால் செய்யப்படும் இந்த இனிப்பு, உடலுக்கு நல்ல ஆரோக்கியத்தை வழங்கும்.
சாமை அரிசி புரதச்சத்து, நார்ச்சத்து, தாதுக்கள் ஆகியவற்றால் செறிந்தது. இது எளிதில் ஜீரணமாகி, நீண்ட நேரம் பசியை தணிக்க உதவுகிறது. திருநெல்வேலியின் பிரபல அல்வாவை ஒத்த சுவையில், வீட்டிலேயே சாமை அல்வாவை தயாரிக்கலாம். இதற்குத் தேவையான பொருட்கள் — சாமை 1 கப், தண்ணீர் 2 கப், நெய் அரை கப், வெல்லம் அரை கப், ஏலக்காய்த் தூள் அரை டீஸ்பூன், முந்திரி மற்றும் திராட்சை தேவையான அளவு.
செய்முறை: முதலில் சாமையை கழுவி 30 நிமிடங்கள் ஊறவைத்து வேக வைக்க வேண்டும். வெந்ததும் தண்ணீரை வடித்து வைக்கவும். பின்னர் ஒரு வாணலியில் நெய் ஊற்றி சாமையை சேர்த்து வதக்கவும். அதன் பிறகு வெல்லம் சேர்த்து உருகும் வரை கிளறி, ஏலக்காய்த் தூள், முந்திரி, திராட்சை சேர்த்து கிளறி இறக்கவும். சுவையான, நெய் நறுமணமுடன் சாமை அல்வா தயார்.
இந்த தீபாவளிக்கு பாரம்பரிய சுவையும், ஆரோக்கிய நன்மைகளும் ஒருசேர பெற சாமை அல்வா செய்து குடும்பத்தோடு மகிழ்ச்சியாக கொண்டாடுங்கள்!
