July 4, 2022

பிடிரான் நிறுவனத்தின் புதிய டன்ஜெண்ட் அர்பன் வயர்லெஸ் நெக்பேண்ட் இயர்போன்

இந்திய மின்னணு சாதனங்கள் உற்பத்தியாளரான பிடிரான், இந்தியாவில் புதிய வயர்லெஸ் நெக்பேண்ட் இயர்பட்ஸ் மாடலை அறிமுகம் செய்தது. பிடிரான் டன்ஜெண்ட் அர்பன் என அழைக்கப்படும் புது நெக்பேண்ட் இயர்போன் கேமிங் மற்றும் பொழுதுபோக்கு அம்சங்களுக்காக பிரத்யேகமாக உருவாக்கப்பட்டு இருக்கிறது. புதிய பிடிரான் டன்ஜெண்ட் அர்பன் வயர்லெஸ் நெக்பேண்ட் மாடலை முழு சார்ஜ் செய்தால் 60 மணி நேரத்திற்கு பிளேடைம் வழங்கும்.

பிடிரான் டன்ஜெண்ட் அர்பன் நெக்பேண்ட் ஆப்ட்சென்ஸ் தொழில்நுட்பத்தை கொண்டிருக்கிறது. பிடிரான் நிறுவனத்தின் ஆப்ட்சென்ஸ் தொழில்நுட்பம் மேம்பட்ட சவுண்ட் மற்றும் கேமிங் அனுபவத்தை வழங்குகிறது.
இந்த நெக்பேண்ட் இயர்போன் மாடலில் 10mm டிரைவர்கள் உள்ளன. இத்துடன் ட்ரூ சோனிக் பேஸ் பூஸ்ட் தொழில்நுட்பம் உள்ளது. இத்துடன் அதிவேக கனெக்டிவிட்டிக்காக ப்ளூடூத் 5.3 ஆப்ஷன் உள்ளது. புதிய டன்ஜெண்ட் அர்பன் வயர்லெஸ் நெக்பேண்ட் 400mAh பேட்டரி கொண்டிருக்கிறது. இதனை முழுமையாக சார்ஜ் செய்தால் 60 மணி நேரத்திற்கான பேக்கப் கிடைக்கும்.

இந்த இயர்போனை பத்து நிமிடங்கள் சார்ஜ் செய்தால் நான்கு மணி நேரத்திற்கான பேக்கப் கிடைக்கிறது. மேலும் யு.எஸ்.பி. டைப் சி போர்ட் வழங்கப்பட்டு உள்ளது. பிடிரான் டன்ஜெண்ட் அர்பன் வயர்லெஸ் நெக்பேண்ட் மாடல்- பேவ் பிளாக், ஓசன் கிரீன் மற்றும் மேஜிக் புளூ போன்ற நிறங்களில் கிடைக்கிறது. இந்தியாவில் புதிய பிடிரான் நெக்பேண்ட் இயர்பட்ஸ் விலை ரூ. 799 என நிர்ணயம் செய்யப்பட்டுள்ளது.

Leave a Reply

Your email address will not be published.

Subscribe To Our Newsletter

[mc4wp_form id="69"]
Subscribe to Our Newsletter
Stay Updated!