December 9, 2022

65-வது காமன்வெல்த் நாடாளுமன்ற மாநாட்டில் பங்கேற்கும் சபாநாயகருக்கு முதல்வர் வாழ்த்து

சென்னை : தமிழக அரசு வெளியிட்டுள்ள செய்திக் குறிப்பில், இம்மாதம் 22 முதல் 26-ந்தேதி வரை கனடா நாட்டின் ஹாலிபேக்ஸ் நகரில் நடைபெறவிருக்கும் 65-வது காமன்வெல்த் நாடாளுமன்ற மாநாட்டில் தமிழக கிளையின் பிரதிநிதியாக சபாநாயகர் மு.அப்பாவு கலந்துகொள்கிறார்.

சட்டசபை செயலாளர் கி.சீனிவாசன் இம்மாநாட்டில் நடைபெறும் சோகாட் கூட்டங்களில் கலந்துகொள்கிறார். சபாநாயகர் மு.அப்பாவும், செயலாளர் கி.சீனிவாசனும் மேற்குறிப்பிட்ட மாநாட்டில் கலந்துகொள்வதற்காக இன்று இரவு 9.45 மணிக்கு எமிரேட்ஸ் விமானம் மூலம் துபாய் சென்று, அங்கிருந்து சான் பிரான்சிஸ்கோ நகருக்கு ஆய்வுப் பயணம் மேற்கொண்டு, பின்பு ஹாலிபேக்ஸ் நகருக்கு சென்றடையவுள்ளார்.

சபாநாயகர் மு.அப்பாவும், செயலாளர் கி.சீனிவாசனும் மேற்குறிப்பிட்ட மாநாட்டில் கலந்து கொண்டுவிட்டு 1-9-2022 இரவு 8.30 மணியளவில் எமிரேட்ஸ் விமானம் மூலம் சென்னை வந்தடைகிறார் என்று தெரிவிக்கப்பட்டுள்ளது. இந்நிலையில், சபாநாயகர் அப்பாவுவை இன்று காலை சென்னை தலைமைச் செயலகத்தில் முதல்வர் மு.க.ஸ்டாலின் சந்தித்து சால்வை அணிவித்து வாழ்த்து கூறினார்.

Leave a Reply

Your email address will not be published. Required fields are marked *

Subscribe To Our Newsletter

[mc4wp_form id="69"]
Subscribe to Our Newsletter
Stay Updated!