July 4, 2022

சப்பாத்திக்கு தொட்டுக்கொள்ள அருமையான ஒரு சைட் டிஷ் முட்டை கீமா

சென்னை: உங்கள் குடும்பத்தினரை அசத்த முட்டை கீமா செய்து கொடுங்கள். இதை எப்படி செய்வது என்ற செய்முறை உங்களுக்காக.

தேவையான பொருள்கள்:

முட்டை – 2
ப்ரெஷ் பட்டாணி – 1/2 கப்
தக்காளி – 1
மிளகாய் தூள் – 1 மேஜைக்கரண்டி
மல்லித்தூள் – 2 மேஜைக்கரண்டி
மஞ்சள் தூள் – 1/2 தேக்கரண்டி
கரம் மசாலா தூள் – 1 தேக்கரண்டி
உப்பு – தேவையான அளவு
மல்லித்தழை – சிறிது
தாளிக்க –
எண்ணெய் – 3 மேஜைக்கரண்டி
பிரிஞ்சி இலை – 1
பட்டை – 1 இன்ச்
கிராம்பு – 2
அன்னாசிப்பூ – 1
பெரிய வெங்காயம் – 1

செய்முறை: ஒரு வாயகன்ற பாத்திரத்தில் முட்டைகள் மூழ்கும் அளவுக்கு தண்ணீர் ஊற்றி அடுப்பில் வைக்கவும். தண்ணீர் கொதிக்க ஆரம்பித்ததும் அடுப்பை சிம்மில் வைத்து மூடி வைக்கவும். 10 நிமிடங்களில் முட்டைகள் வெந்து விடும்.

வெந்ததும் தோலுரித்து கேரட் துருவும் துருவியில் துருவிக்கொள்ளவும். தக்காளியை மிக்சியில் அரைத்துக்கொள்ளவும். அடுப்பில் கடாயை வைத்து எண்ணெய் ஊற்றி சூடானதும் பிரிஞ்சி இலை, பட்டை, கிராம்பு, அன்னாசிப்பூ போடவும். பட்டை பொன்னிறமானதும் வெங்காயம் சேர்த்து வதக்கவும்.

வெங்காயம் பொன்னிறமானதும் ப்ரெஷ் பட்டாணி சேர்த்து கிளறவும். பட்டாணி வெந்ததும் அரைத்து வைத்துள்ள தக்காளி கலவையை சேர்த்து பச்சை வாடை போகும் வரை கிளறவும்.

பச்சை வாடை போனதும் அடுப்பை சிம்மில் வைத்து மிளகாய் தூள், மல்லித்தூள் மஞ்சள் தூள், கரம் மசாலா தூள், உப்பு சேர்த்து ஒரு நிமிடம் கிளறி அதனுடன் ஒரு கப் தண்ணீர் சேர்த்து கொதிக்க விடவும். மசாலா வாடை போனதும் அதனுடன் துருவி வைத்திருக்கும் முட்டை துருவல், சேர்க்கவும். இறுதியில் மல்லித்தழை சேர்த்து கிளறி கெட்டியானதும் அடுப்பை அணைக்கவும். சாதம், பூரி, சப்பாத்திக்கு சுவையான முட்டை கீமா ரெடி

Leave a Reply

Your email address will not be published.

Subscribe To Our Newsletter

[mc4wp_form id="69"]
Subscribe to Our Newsletter
Stay Updated!