சென்னை: தமிழகத்தில் மின் கட்டணம் உயர்த்தப்பட்டுள்ளது. இந்த கட்டண உயர்வு ஜூலை 1ம் தேதி முதல் அமலுக்கு வந்துள்ளதாக தமிழ்நாடு மின்சார ஒழுங்குமுறை ஆணையம் அறிவித்துள்ளது.இந்நிலையில் தமிழக எதிர்க்கட்சி தலைவர் எடப்பாடி பழனிசாமி கண்டனம் தெரிவித்துள்ளார்.
இதுகுறித்து அவர் எக்ஸ் தள பதிவில் கூறியிருப்பதாவது. “தமிழகத்தில் மீண்டும் மின்கட்டணத்தை உயர்த்தியுள்ள திமுக அரசை வன்மையாகக் கண்டிக்கிறேன். நாடாளுமன்றத் தேர்தல் மற்றும் விக்கிரவாண்டி இடைத்தேர்தல் முடியும் வரை காத்திருந்து தமிழக மக்களுக்கு அதிர்ச்சியை பரிசாக அளித்துள்ளார் திமுக செயல்தலைவர் மு.க.ஸ்டாலின்.
மக்களின் வயிற்றில் அடிப்பதில் இந்த அரசுக்கு என்ன மகிழ்ச்சி? ‘சொன்னதைச் செய்வேன் – சொல்லாததைச் செய்வேன்’ என ஒவ்வொரு மேடையில் இருந்து பேசிய முதல்வர் ஸ்டாலின் அவர்களே, மாதம் ஒருமுறை மின்கட்டணம் உள்ளிட்ட வாக்குறுதிகள் எதையும் நிறைவேற்றவில்லை. எதுவும் பேசாமல் மின் கட்டணத்தை மட்டும் அதிகரித்துக் கொண்டே இருக்கிறீர்கள். உங்கள் நிர்வாகத் திறமையின்மையை மக்கள் தலையில் சுமத்துவது நியாயமற்றது.
தடையில்லா மின்சாரம் வழங்கும் அடிப்படை வசதி இல்லாமல், மக்களை பட்டினியில் வாடுவது திமுக அரசின் வாடிக்கையாகி விட்டது. மீண்டும் மீண்டும் மின் கட்டணத்தை உயர்த்தி வரும் திமுக அரசை வன்மையாக கண்டிக்கிறேன். மக்கள் மீது பெரும் சுமையை ஏற்றி வரும் மின் கட்டண உயர்வை உடனடியாக திரும்பப் பெற வேண்டும் என முதல்வரை வலியுறுத்துகிறேன் என எடப்பாடி பழனிசாமி கூறியுள்ளார்.
