மூணாறு: கேரளாவின் இடுக்கி மாவட்டத்தில், கனமழையால், பல இடங்களில் நிலச்சரிவு மற்றும் மரங்கள் விழுந்தன. இம்மாவட்டத்தில் தென்மேற்கு பருவமழை தீவிரமடைந்து மூன்று நாட்களாக கொட்டி தீர்த்தது. நேற்று காலை 8:00 மணி நிலவரப்படி சராசரியாக 130 மி.மீ., மழை பதிவானது. தொடுபுழா, புளியன்மலை மாநில நெடுஞ்சாலையில், கட்டப்பனை நரகாகானம் அருகே, சாலையில் பாறைகள் உருண்டு விழுந்ததால் போக்குவரத்து பாதிக்கப்பட்டது. கீழ் பெரியாறு நீர்மின் நிலையத்தில் மின் விநியோகம் பாதிக்கப்பட்டது.
அடிமாலி புனித மார்ட்டின் தேவாலய சுற்றுச்சுவர் இடிந்து விழுந்ததில் மரம் வேரோடு சாய்ந்து ஜீப் மீது விழுந்தது. கல்லாறு குருசுப்பாறை பகுதியில் மூன்று கடைகள் சேதமடைந்தன.
கொச்சி-தனுஷ்கோடி தேசிய நெடுஞ்சாலையில் மூணாறு அருகே கேப் சாலையில் நிலச்சரிவு ஏற்பட்டது. மாவட்டத்தில் இரவு பயணம் (இரவு 7:00 மணி முதல் காலை 6:00 மணி வரை) தடை செய்யப்பட்டுள்ளது. நேற்று காலை சென்னையில் இருந்து மூணாறு நோக்கி வந்து கொண்டிருந்த தமிழக அரசு பேருந்து கேப் ரோட்டில் ஏற்பட்ட மண்சரிவில் சிக்கியது. அந்த வழியாக போக்குவரத்துக்கு மாவட்ட நிர்வாகம் தடை விதித்தது.
மூணாறில் இருந்து பள்ளிவாசல், குஞ்சு தண்ணி, ராஜாக்காடு, ராஜகுமாரி, தேனி உள்ளிட்ட பகுதிகள் வழியாக பூப்பாறைக்கு வாகனங்கள் சென்று வருகின்றன. மாவட்டத்தில் உள்ள கல்லார் குட்டி, பாம்லா அணைகள் நேற்று முன் தினம் திறக்கப்பட்ட நிலையில், நேற்று மலங்கரை அணை திறக்கப்பட்டது.
1924ஆம் ஆண்டு ஜூலை 15ஆம் தேதி பருவமழை தீவிரமடைந்தபோது மூணாறு அழிந்தது. நேற்று முன்தினம் ஒரே நாளில் மழை பெய்ததால் மக்கள் அச்சமடைந்தனர். நேற்று காலை, 8:00 மணிக்கு, மூணாறில், 24 செ.மீ., மழை பதிவானது. நிலச்சரிவால் போக்குவரத்து தடைபட்டது. தொழிலாளர் குடியிருப்புகள் ஆபத்தானவை.
