நடிகர் விஜய் தற்போது வெங்கட் பிரபு இயக்கத்தில் ‘தி கோட்’ படத்தில் நடித்து வருகிறார். இப்படத்தில் அவருடன் பிரசாந்த், பிரபுதேவா, மீனாட்சி சவுத்ரி, ஜெயராம், மோகன் ஆகியோர் நடித்துள்ளனர். யுவன் ஷங்கர் ராஜா இசை மற்றும் சித்தார்த்தா நூனி ஒளிப்பதிவு செய்துள்ளார். இப்படத்தை ஏஜிஎஸ் நிறுவனம் தயாரிக்கிறது. இந்த படத்தின் இறுதிக்கட்ட படப்பிடிப்பு விறுவிறுப்பாக நடந்து வருகிறது.
இந்தப் படத்துக்குப் பிறகு மேலும் ஒரு படத்தில் நடித்த பிறகு அரசியலில் கவனம் செலுத்தப் போவதாக விஜய் அறிவித்துள்ளார். இந்த படத்தை இயக்க இயக்குனர் எச் வினோத் ஒப்பந்தம் செய்யப்பட்டுள்ளார். படத்தின் தயாரிப்பாளர் இன்னும் அதிகாரப்பூர்வமாக அறிவிக்கப்படவில்லை.
இந்நிலையில், இந்த படத்தில் விஜய் அளவுக்கு பெரிய நடிகர் ஒரு முக்கிய வேடத்தில் நடித்தால் கச்சிதமாக இருக்கும் என்று யோசித்து வருகிறாராம் எச்.வினோத். அந்த பட்டியலில் மோகன்லால், கமல்ஹாசன் ஆகியோர் இருப்பதாக கூறப்படுகிறது. ஆனால் இதுவரை எந்த முடிவும் எடுக்கப்படவில்லை என்று கூறப்படுகிறது.
