நடிகர் சூர்யா தமிழ் சினிமாவில் ஆக்ஷன் ஹீரோவாகவும், மாஸ் ஹீரோவாகவும் வலம் வருகிறார். தற்போது தயாரிப்பாளராகவும் உள்ளார். சிறுத்தை சிவா இயக்கத்தில் நடிகர் சூர்யா நடிப்பில் பிரம்மாண்டமாக தயாராகி வரும் படம் ‘கங்குவா’. இப்படத்தை யுவி கிரியேஷன் மற்றும் ஸ்டுடியோ கிரீன் இணைந்து தயாரித்துள்ளது. இப்படம் கிட்டத்தட்ட 2 1/2 வருடங்கள் தயாரிப்பில் உள்ளது.
படத்தின் அப்டேட் எப்போது வெளியாகும் என எதிர்பார்த்து காத்திருந்த ரசிகர்களுக்கு தற்போது ஒரு நல்ல செய்தி கிடைத்துள்ளது.
அதாவது கங்குவா படம் அக்டோபர் 10ஆம் தேதி வெளியாகும் என படக்குழு அறிவித்துள்ளது.அதே தேதியில் ரஜினிகாந்த் நடித்த வேடடியான் படம் வெளியாகும் என ஏற்கனவே அறிவித்துள்ளனர். 2 படங்கள் போட்டி போடும் என்று தெரிகிறது. இதனை நடிகர் சூர்யா தனது ட்விட்டர் பக்கத்தில் போஸ்டருடன் அதிகாரப்பூர்வமாக அறிவித்துள்ளார். இதை பார்த்த ரசிகர்கள் கங்குவா அப்டேட்டின் வருகையை கொண்டாடி வருகின்றனர்.
இது தவிர கங்குவா இரண்டு பாகங்களாக உருவாகியுள்ளது. முதல் பாகம் இந்த ஆண்டு வெளியாகும் நிலையில், இரண்டாம் பாகத்தின் படப்பிடிப்பு 2026-ம் ஆண்டு தொடங்கி 2027-ம் ஆண்டு படம் வெளியாகும் என படத்தின் தயாரிப்பாளர் ஞானவேல்ராஜா தெரிவித்துள்ளார். 3டியில் வரலாற்றுப் படமான ‘கங்குவா’ 10 மொழிகளில் வெளியாகிறது. ‘கங்குவா’ படத்தின் படப்பிடிப்பு நிறைவடைந்த நிலையில்,
தற்போது போஸ்ட் புரொடக்ஷன் பணிகள் நடந்து வருகிறது. இந்த படத்தின் முதல் பாடல் நடிகர் சூர்யாவின் பிறந்தநாளை முன்னிட்டு வெளியாகி நல்ல வரவேற்பை பெற்றது. இந்த படத்தின் டிரைலர் தற்போது வெளியாகியுள்ளது. நீண்ட நாட்களாக எந்தப் படத்திலும் நடிக்காத சூர்யா, கங்குவா படத்தில் மட்டும் தீவிரம் காட்டி வருகிறார்.
இதனால் இப்படத்திற்காக ரசிகர்கள் காத்திருக்கின்றனர். ட்ரெய்லர் தீவின் பின்னணிக் குரலில் தொடங்கி, மர்மமானதாகவும், பிரம்மாண்டமான காட்சியாகவும் விரிகிறது. வித்தியாசமான தோற்றத்தில் நடித்து ரசிகர்களின் கவனத்தை ஈர்த்தவர் சூர்யா. ட்ரைலரைப் பார்த்தாலே படத்தின் ரிலீஸ் குறித்த எதிர்பார்ப்பு எகிறியுள்ளது
