பிரபல மலையாள நடிகர்கள் ஜெயசூர்யா மற்றும் மணியன்பிள்ளை ராஜு மீது பாலியல் வன்கொடுமை புகாரின் அடிப்படையில் வழக்குகள் பதிவு செய்யப்பட்டுள்ளன. எர்ணாகுளத்தில் ராஜு மீது, ஃபோர்ட் கொச்சி காவல் நிலையத்தில், இந்திய தண்டனைச் சட்டம் பிரிவு 354ன் கீழ் வழக்கு பதிவு செய்யப்பட்டது. அதே பிரிவின் கீழ், ஜெயசூர்யா மீதும் திருவனந்தபுரம் கண்டோன்மென்ட் காவல் நிலையத்தில் வழக்கு பதிவு செய்யப்பட்டுள்ளது.
இந்த வழக்குகள், நீதிபதி கே. ஹேமா கமிட்டி அறிக்கையையடுத்து மலையாள திரையுலகத்தில் பெண்களுக்கு எதிரான துன்புறுத்தல்கள் மற்றும் சுரண்டல்கள் தொடர்பான பல புகார்களின் தொடர்ச்சியாகும்.
புகார் கூறிய நடிகர், தனது சமூக ஊடகப் பதிவில், முந்தைய காலங்களில் ஜெயசூர்யா, மணியன்பிள்ளை ராஜு உள்ளிட்ட சில நடிகர்களால் துன்புறுத்தப்பட்டதாக குற்றம் சாட்டியுள்ளார்.
இந்தச் சம்பவம் மலையாள சினிமா உலகில் பரபரப்பை ஏற்படுத்தியுள்ளது, மேலும் பல நடிகர்கள், இயக்குநர்கள் மீது இதுபோன்ற குற்றச்சாட்டுகள் பதிவு செய்யப்பட்டுள்ளன.
