ஷங்கர் இயக்கத்தில் ராம் சரண் நடித்துள்ள ‘கேம் சேஞ்சர்’ படம் ஜனவரியில் ரிலீஸ்..!!

சென்னை: ஷங்கர் இயக்கத்தில் ராம் சரண் ஹீரோவாக நடித்துள்ள படம் ‘கேம் சேஞ்சர்’. இதில் கதாநாயகியாக கியாரா அத்வானி நடிக்கிறார்.

அஞ்சலி, எஸ்.ஜே.சூர்யா, ஸ்ரீகாந்த், சமுத்திரக்கனி, நவீன் சந்திரா, ஜெயராம், சுனில் ஆகியோர் முக்கிய வேடங்களில் நடிக்கின்றனர். ஸ்ரீ வெங்கடேஸ்வரா கிரியேஷன்ஸ் சார்பில் தில் ராஜு இப்படத்தை தயாரித்துள்ளார்.

தமன் இசையமைத்துள்ளார். இப்படத்தின் படப்பிடிப்பு 2021-ல் துவங்கியது. கிட்டத்தட்ட 3 வருடங்களாக இப்படத்தின் படப்பிடிப்பு நடந்து கொண்டிருந்த நிலையில் ஜூலை மாதம் படத்தின் படப்பிடிப்பு நிறைவடைந்தது.

போஸ்ட் புரொடக்‌ஷன் பணிகள் முடிவடைந்த நிலையில், படம் டிசம்பரில் திரைக்கு வரும் என அறிவிக்கப்பட்டுள்ளது. ஆனால், இப்படத்தின் பணிகள் இன்னும் முடிவடையாததால், படம் அடுத்த ஆண்டு ஜனவரி 10-ம் தேதி திரையரங்குகளில் வெளியாகும் என அதிகாரப்பூர்வமாக அறிவிக்கப்பட்டுள்ளது.

அதே நாளில் சிரஞ்சீவி நடித்த ‘விஸ்வம்பரா’ படமும் திரையரங்குகளில் வெளியாகவுள்ளது. அப்பா, மகன் இரு படங்களும் ஒரே நாளில் வெளியாகிறது என்பது குறிப்பிடத்தக்கது.