இந்திய கிரிக்கெட் அணியின் முன்னாள் வீரர் மகேந்திர சிங் தோனி இன்று தனது பிறந்தநாளை தனது மனைவியுடன் கொண்டாடினார். இந்திய கிரிக்கெட் அணியில் ரசிகர்களை கவர்ந்த முக்கியமான கிரிக்கெட் வீரர்களில் எம்எஸ் தோனியும் ஒருவர். தோனி தற்போது இந்திய அணியில் இருந்து ஓய்வு பெற்றுள்ளார். ஆனால் ஐபிஎல் தொடரில் சென்னை சூப்பர் கிங்ஸ் அணிக்காக தொடர்ந்து விளையாடி வருகிறார்.
ஒவ்வொரு போட்டியிலும் தோனியின் சிக்ஸர்களை காண ஏராளமான ரசிகர்கள் மைதானத்திற்கு வருகிறார்கள். எம்எஸ் தோனி இன்று தனது 43வது பிறந்தநாளை கொண்டாடுகிறார். இதற்காக ரசிகர்கள் பலரும் தோனியின் ஸ்டேட்டஸ், தோனி புகைப்படங்களை பகிர்ந்து, பிறந்தநாள் வாழ்த்துகளை சமூக வலைதளங்களில் பகிர்ந்து வருகின்றனர்.
இன்று தோனி தனது பிறந்தநாளை தனது மனைவி சாக்ஷியுடன் கேக் வெட்டி கொண்டாடினார். அவர்களுடன் நடிகர் சல்மான் கானும் கலந்து கொண்டு தோனிக்கு வாழ்த்து தெரிவித்தார். தற்போது இந்த வீடியோ சமூக வலைதளங்களில் வைரலாகி வருகிறது.
