சமீபத்தில் வெளியான ‘ராயன்’ படத்தில் துர்காவாக நடித்த நடிகை துஷாரா விஜயன், இந்தப் படத்தின் வெற்றிக்கும், எனது கதாபாத்திரத்தின் வெற்றிக்கும் காரணம் ரசிகர்கள்தான். இது குறித்து அவர் வெளியிட்டுள்ள அறிக்கையில் கூறியிருப்பதாவது:
திரு. தனுஷின் ராயனுக்கு ஆதரவளித்த சன் பிக்சர்ஸுக்கு நன்றி. என் பணியின் மீதான அவர்களின் அன்பும் கனிவான வார்த்தைகளும் என் இதயத்திற்கு நெருக்கமாக இருக்கும்.
படப்பிடிப்பின் ஆரம்பம் முதல் இப்போது ‘ராயன்’ மாபெரும் வெற்றிப்படம் வரையிலான பயணம் மிகப்பெரியது. எனது கதாபாத்திரத்தையும் மற்ற கதாபாத்திரங்களையும் மக்களிடம் கொண்டு சென்று மாபெரும் வெற்றியை உறுதி செய்வதில் ஊடகங்களின் பங்கு முக்கியமானது. அதற்கு என் மனமார்ந்த நன்றி.
எங்கள் இயக்குனர் திரு. தனுஷ் மற்றும் சன் பிக்சர்ஸ் குழுமத்திற்கு மிகப்பெரிய நன்றி. ‘துர்கா’வுக்கு கிடைத்த அங்கீகாரமும், அன்பும், வெற்றியும் மக்களால் சாத்தியமாகியிருக்கிறது என்றால் மிகையாகாது.
உங்கள் அனைவரையும் மகிழ்விக்க நான் தொடர்ந்து உழைக்கிறேன். ஆக்கபூர்வமான விமர்சனங்களையும் கருத்தில் கொண்டு எனது பயணத்தை வளப்படுத்துவேன். இவ்வாறு துஷாரா விஜயன் கூறியுள்ளார்.
