ரகு தாத்தா படத்திற்கு இளம் இசையமைப்பாளர் ஷான் ரோல்டன் இசையமைத்துள்ளார். தமிழ் சினிமாவில் முன்னணி நடிகையாக கீர்த்தி சுரேஷ் வலம் வருகிறார். நல்ல கதை அம்சம் கொண்ட படங்களை இவர் தேர்வு செய்து நடிப்பதால், இவர் நடிக்கும் பெரும்பாலான படங்கள் வெற்றி பெற்று வருகின்றன.
அருண் மாதேஸ்வரன் இயக்கிய சாணி காயிதம் என்ற படத்தில் கீர்த்தி சுரேஷ் மிரட்டலான நடிப்பை வெளிப்படுத்தி இருந்தார். சமீபத்தில் வெளிவந்த கல்கி திரைப்படத்தில் புஜ்ஜி என்ற கேரக்டருக்கு கீர்த்தி சுரேஷ் பின்னணி குரல் கொடுத்து கவர்ந்தார். இதேபோன்று தெலுங்கில் அவர் நடித்த தசரா என்ற படமும் நல்ல வரவேற்பை பெற்று 100 கோடி ரூபாய்க்கும் அதிகமாக வசூலித்தது.
இந்நிலையில் கேஜிஎப், சலார் படங்களை தயாரித்த ஹோம்பலே பிலிம்ஸ் தயாரிப்பில் ரகு தாத்தா என்ற திரைப்படம் உருவாகி வருகிறது. இந்த படத்தில் கீர்த்தி சுரேஷ் முன்னணி கேரக்டரில் நடித்துள்ளார். அவருடன் எம்.எஸ். பாஸ்கர் ரவீந்திர விஜய், ஆனந்த் சாமி உள்ளிட்டோர் முக்கிய கேரக்டர்களில் நடித்துள்ளனர்.
சுமன் குமார் என்பவர் எழுதி இயக்கியுள்ள ரகு தாத்தா படத்தின் பர்ஸ்ட் லுக் மற்றும் டீசர் வெளியாகி கவனம் பெற்ற நிலையில், படத்தின் இசை வெளியீட்டு விழா சென்னையில் நடைபெற்றது. இந்த நிகழ்ச்சியின் போது முதல் பாடலாக அருகே வா என்ற பாடல் வெளியிடப்பட்டது. காதல் பாடலாக வெளிவந்துள்ள இந்த அருகே வா என்ற பாடல் ரசிகர்களை கவர்ந்துள்ளது. இந்த பாடலுக்கு வரவேற்பு தெரிவித்து ரசிகர்கள் சமூக வலைதளங்களில் கருத்து தெரிவித்துள்ளனர். நேற்று யூட்யூபில் வெளியிடப்பட்ட இந்த பாடல் 5 லட்சத்திற்கும் அதிகமான பார்வையை குவித்துள்ளது.
