புதுடில்லி : டெல்லியின் புதிய முதல்வராக ஆம் ஆத்மி கட்சியால் தேர்வு செய்யப்பட்ட அதிஷி செய்தியாளர்களை சந்தித்தார். அப்போது அவர் பேசுகையில், ”எனக்கு இவ்வளவு பெரிய பொறுப்பை வழங்கியதற்காக, டெல்லியின் பிரபல முதல்வரும், எனது குருவருமான அரவிந்த் கெஜ்ரிவாலுக்கு நன்றி தெரிவித்துக் கொள்கிறேன்.
முதல்முறை அரசியல்வாதி ஒருவர் முதல்வராகும் போது அனைத்தும் ஆம் ஆத்மி கட்சியில் தான் நடக்கும். நான் வேறு கட்சியில் இருந்திருந்தால் தேர்தலில் கூட நின்றிருக்க மாட்டேன். அரவிந்த் கெஜ்ரிவால் என்னை நம்பினார்.
என்னை சட்டப் பேரவை உறுப்பினராக்கினார். இன்று முதல்வர் பொறுப்பை கொடுத்துள்ளார். என் மீது அவர் வைத்திருக்கும் அதீத நம்பிக்கை எனக்கு மகிழ்ச்சி அளிக்கிறது. இருப்பினும் எனது மூத்த சகோதரர் கெஜ்ரிவால் இன்று ராஜினாமா செய்தது வேதனை அளிக்கிறது.
ஆம் ஆத்மி கட்சி எம்.எல்.ஏக்கள் சார்பாகவும், டெல்லியின் இரண்டு கோடி மக்கள் சார்பாகவும் ஒன்றைச் சொல்ல விரும்புகிறேன். டெல்லியின் ஒரே முதல்வர் இவர்தான். அவர் அரவிந்த் கெஜ்ரிவால்.
இந்தப் பொறுப்பை நான் சுமக்கும் வரை எனது நோக்கம் ஒன்றே. டெல்லி மக்களைப் பாதுகாப்பதும், அரவிந்த் கெஜ்ரிவாலின் வழிகாட்டுதலின்படி டெல்லி அரசாங்கத்தை வழிநடத்துவதும் ஆகும்.
அரவிந்த் கெஜ்ரிவால் மீண்டும் பதவியேற்காவிட்டால், கல்வி, சுகாதாரம், இலவச மின்சாரம் போன்ற திட்டங்கள் பாதிக்கப்படும் என்பது, டில்லி மக்களுக்கு தெரியும்,” என்றார்.
கட்சித் தலைவர்களான அரவிந்த் கெஜ்ரிவால், மனிஷ் சிசோடியா மற்றும் சஞ்சய் சிங் ஆகியோர் பல்வேறு முக்கியத் துறைகளின் பொறுப்புகளை வகித்து, முக்கியத் தலைவர்கள் இல்லாத நிலையில், தில்லி அரசின் கொள்கைகளைப் பாதுகாத்தனர்.
இதனிடையே, உச்ச நீதிமன்றத்தின் நிபந்தனைகள் காரணமாக அரவிந்த் கெஜ்ரிவால் பதவி விலகும் முடிவை எடுத்துள்ளதாக கூறப்படுகிறது. முன்னதாக, மதுபானக் கொள்கை ஊழல் வழக்கில் டெல்லி திகார் சிறையில் இருந்த கெஜ்ரிவால், கடந்த 13-ம் தேதி ஜாமீனில் விடுவிக்கப்பட்டார்.
இதையடுத்து, ஞாயிற்றுக்கிழமை (செப்டம்பர் 15) அவர், அடுத்த இரண்டு நாட்களில் ராஜினாமா செய்வதாக அறிவித்தார். அதன்படி இன்று மாலை அவர் தனது பதவியை ராஜினாமா செய்கிறார்.
அடுத்த முதல்வரை தேர்ந்தெடுப்பதற்காக ஆம் ஆத்மி கட்சி எம்எல்ஏக்கள் கூட்டம் இன்று காலை நடைபெற்றது. அதில், அமைச்சர் ஆதிஷியின் பெயரை அரவிந்த் கெஜ்ரிவால் முன்மொழிந்தார்.
