சென்னை: சென்னை சென்ட்ரல் – அரக்கோணம் சாலையில் உள்ள அரக்கோணம் யார்டில் இன்ஜினியரிங் பணி நடந்து வருகிறது. இதன் காரணமாக மின்சார ரயில் சேவையில் மாற்றம் செய்யப்பட உள்ளது.
சென்னை சென்ட்ரல் – அரக்கோணம் இடையே ஆகஸ்ட் 19 மற்றும் 21 ஆகிய தேதிகளில் காலை 9.10 மற்றும் 11 மணிக்கு புறப்படும் மின்சார ரயில்கள், திருவள்ளூர் – அரக்கோணம் இடையே பகுதியாக ரத்து செய்யப்படுகிறது. சென்னை சென்ட்ரல் – திருத்தணி இடையே ஆகஸ்ட் 19 மற்றும் 21 ஆகிய தேதிகளில் காலை 10 மணிக்கு புறப்படும் மின்சார ரயில், திருவள்ளூர் – திருத்தணி இடையே ரத்து செய்யப்படுகிறது.
அரக்கோணம்-சென்னை சென்ட்ரல் இடையே ஆகஸ்ட் 19 மற்றும் 21-ஆம் தேதி காலை 11.15 மற்றும் மதியம் 12 மணிக்கு புறப்படும் மின்சார ரயில்கள், அரக்கோணம்-திருவள்ளூர் இடையே ரத்து செய்யப்படுகிறது. திருத்தணி – சென்னை சென்ட்ரல் முதல் ஆக., 19 மற்றும் 21ம் தேதிகளில் மதியம் 12.35 மணிக்கு புறப்பட வேண்டிய மின்சார ரயில் திருத்தணி – திருவள்ளூர் இடையே ரத்து செய்யப்படுகிறது.
வேலூர் கன்டோன்மென்ட் – அரக்கோணம் ஆக., 19 மற்றும் 21ம் தேதிகளில், சித்தேரி – அரக்கோணம் இடையே காலை, 10 மணிக்கு இயக்கப்படும் மின்சார ரயில் ரத்து செய்யப்படுகிறது. சென்னை சென்ட்ரல் – திருப்பதி இடையே ஆகஸ்ட் 19 மற்றும் 21 ஆகிய தேதிகளில் காலை 9.50 மணிக்கு புறப்பட வேண்டிய மின்சார ரயில், சென்னை சென்ட்ரல் – திருத்தணி இடையே ரத்து செய்யப்படுகிறது.
