சென்னை: சாலையோர வியாபாரிகளின் நலன்களைப் பாதுகாக்கவும், சாலையோர வியாபாரத்தை ஒழுங்குபடுத்தவும் சென்னை மாநகராட்சியால் நகர விற்பனைக் குழு அமைக்கப்பட்டுள்ளது.
மாநகராட்சி கமிஷனர் ஜெ.குமரகுருபரன் தலைமை வகிக்கிறார். நகரம் முழுவதும் 35,500 தெரு வியாபாரிகள் அடையாளம் காணப்பட்டுள்ளனர். இவர்களுக்கு மாநகராட்சி மூலம் அடையாள அட்டை வழங்கப்பட்டுள்ளது.
மத்திய, மாநில அரசுகள் செயல்படுத்தும் திட்டங்களின் மூலம் அவர்கள் பயன்பெற மாநகராட்சி வருவாய்த்துறை அதிகாரிகளும் நடவடிக்கை எடுத்து வருகின்றனர். நகர விற்பனைக் குழு உறுப்பினர்கள் தேர்தல் கடந்த ஆண்டும் நடந்தது.
சாலையோர வியாபாரம் அனுமதிக்கப்படும் பகுதிகள் மற்றும் தடை செய்யப்பட்ட பகுதிகளை கண்டறிய மாநகராட்சி அதிகாரிகளுக்கு கமிஷனர் உத்தரவிட்டுள்ளார். மேலும் ஒரு வட்டாரத்திற்கு ஒன்று வீதம் 3 சாலையோர வணிக வளாகங்கள் கட்ட அறிவுறுத்தினார்.
அதன்படி, வடசென்னையில் மகாகவி பாரதி நகர், மத்திய சென்னை அம்பத்தூர் மண்டலத்துக்கு உட்பட்ட பூங்கா சாலை, தென் சென்னையில் பெசன்ட் நகர் 2-வது நிழல் சாலை ஆகியவை தேர்வு செய்யப்பட்டு, முன்மாதிரி வணிக வளாகங்களாக மாற்றும் பணி நடந்து வருகிறது.
மகாகவி பாரதி நகரில், நடைபாதையை சீராக பிரித்து, ஒரு பகுதியில் வியாபாரிகள் கடையும், மற்றொரு பகுதியில் பொதுமக்கள் நடந்தும் செல்லும் வகையில் தடுப்புகள் அமைக்கப்பட்டு வருகின்றன.
அம்பத்தூர் பகுதியில் நடைபாதையில் கடைகள் வைக்கப்பட்டுள்ள பகுதிகளுக்கு வர்ணம் பூசி அடையாளமிடப்பட்டு வருகிறது.
மேலும், மண்டலத்திற்கு மாதிரி வணிக வளாகங்கள் அமைக்க, பகுதிகளை தேர்வு செய்ய, அதிகாரிகளுக்கு கமிஷனர் உத்தரவிட்டுள்ளதாக, மாநகராட்சி அதிகாரிகள் தெரிவித்தனர்.
