சென்னை: தமிழக அரசின் ஆதரவுடன் சென்னையில் அறிவியல் கண்காட்சி வரும் 24-ம் தேதி முதல் 26-ம் தேதி வரை நடக்கிறது. இதுகுறித்து, சென்னையில் உள்ள அறிவியல் நகர முதன்மைச் செயலர் நேற்று வெளியிட்ட அறிக்கை:-
சென்னை அறிவியல் திருவிழாவில் பிரமாண்ட அறிவியல் கண்காட்சி அரங்குகள் மற்றும் அறிவியல் முறை விளக்கங்கள், அறிவியல் லேசர் ஒளி, ஒலிக் காட்சி ஆகியவை அமைக்கப்படும்.
சென்னை அறிவியல் திருவிழாவை வரும் 24-ம் தேதி மதியம் 1.30 மணிக்கு உயர்கல்வித்துறை அமைச்சர் பொன்முடி தொடங்கி வைக்கிறார்.
பெரியார் அறிவியல் மற்றும் தொழில்நுட்ப மைய வளாகத்தில் (பிர்லா கோளரங்கம்) வரும் 26-ம் தேதி வரை காலை 10 மணி முதல் மாலை 5 மணி வரை விழா நடைபெறுகிறது. இவ்வாறு அதில் கூறப்பட்டுள்ளது.
