சென்னை: தங்கம் விலை தொடர்ந்து உயர்ந்து வருகிறது. கடந்த 1-ம் தேதி ஒரு கிராம் தங்கம் ரூ.6,695-க்கும், ஒரு சவரன் ரூ.53,560-க்கும் விற்பனையானது. அதே மாதம் 24-ம் தேதி ஒரு கிராம் தங்கம் 7 ஆயிரம் ரூபாய்க்கு விற்பனையானது.
ஒரு சவரன் ரூ.56,000ஐ தொட்டது. அதன்பிறகு, தங்கத்தின் விலை தொடர்ந்து உயர்ந்து வருகிறது. தங்கம் விலையில் புதிய உச்சமாக கடந்த 19-ம் தேதி ஒரு கிராம் தங்கம் ரூ.7,280-க்கு விற்பனை செய்யப்பட்டது. ஒரு சவரன் ரூ.58,240 என்ற புதிய உச்சத்தைத் தொட்டது.
இதையடுத்து நேற்று தங்கத்தின் விலை சவரனுக்கு ரூ. 80 ஆக இருந்த நிலையில் இன்று தங்கம் விலை அதிரடியாக உயர்ந்து புதிய உச்சத்தை எட்டியுள்ளது. இந்நிலையில், சென்னையில் ஆபரணத் தங்கத்தின் விலை ரூ.520 உயர்ந்து ரூ.58,880 ஆக இருந்தது.
சென்னையில் ஆபரணத்தங்கம் கிராமுக்கு ரூ.65 உயர்ந்து ரூ.7,360 ஆக இருந்தது. தங்கம் விலையை தொடர்ந்து வெள்ளி விலையும் புதிய உச்சத்தை தொட்டது. சென்னையில் வெள்ளி விலையில் எந்த மாற்றமும் இல்லாமல் ஒரு கிராம் வெள்ளி ரூ.107-க்கு விற்பனை செய்யப்படுகிறது.
