சென்னை: தமிழ்நாடு வணிகர்கள் சங்கத்தின் 42-வது வணிகர்கள் தின மாநாடு மதுராந்தகத்தில் மே 5-ம் தேதி நடைபெறும். அன்றைய தினம் தமிழகம் முழுவதும் உள்ள கடைகளுக்கு விடுமுறை அறிவிக்கப்படும். இது தொடர்பாக, தமிழ்நாடு வணிகர்கள் சங்கத்தின் தலைவர் ஏ.எம். விக்கிரமராஜா வெளியிட்டுள்ள அறிக்கையில் கூறியதாவது:-
வணிகர்கள் எதிர்கொள்ளும் பிரச்சினைகளுக்கு தீர்வு காண, ஆண்டுதோறும் மே 5-ம் தேதி தமிழ்நாடு வணிகர்கள் சங்கத்தால் வணிகர்கள் தின மாநாடு நடத்தப்படுகிறது. இந்த ஆண்டு, செங்கல்பட்டை அடுத்த மதுராந்தகத்தில் 42-வது வணிகர்கள் தின மாநில மாநாடு பிற்பகல் 3.35 மணிக்கு தொடங்குகிறது. மாநாட்டு அரங்கம் சுமார் 29 ஏக்கரில் அமைக்கப்பட்டுள்ளது. போதுமான வாகன நிறுத்துமிட வசதிகள் செய்யப்பட்டுள்ளன. இந்த மாநாட்டில் முதல்வர் ஸ்டாலின் பங்கேற்று சிறப்புரையாற்றுவார்.
தமிழகம் முழுவதிலுமிருந்து லட்சக்கணக்கான வணிகர்கள் தங்கள் குடும்பங்களுடன் மாநாட்டில் பங்கேற்க உள்ளனர். வணிகர்களின் நலனைப் பாதுகாக்கவும், வணிகத்தை மேம்படுத்தவும், வணிகர்களின் அத்தியாவசிய கோரிக்கைகள் அறிவிக்கப்பட்டு, அவை தீர்க்கப்பட்டு வருகின்றன. மாலை நடைபெறும் மாநாட்டில் கலந்து கொள்ளும் அனைத்து வணிகர்களுக்கும் மாலை சிற்றுண்டி, இரவு உணவு மற்றும் குடிநீர் வழங்கப்பட்டுள்ளது.
வணிகர் தின மாநாட்டை முன்னிட்டு, அன்றைய தினம் தமிழகத்தில் உள்ள கடைகள், வணிக வளாகங்கள், மொத்த மற்றும் சில்லறை வணிக நிறுவனங்கள், சந்தைகள், உணவகங்கள் மற்றும் மால்கள் மூடப்படும். இவ்வாறு அந்த அறிக்கையில் கூறப்பட்டுள்ளது.
