இந்தியாவில் சினிமா மற்றும் கிரிக்கெட் உலகம் இருபது ஆண்டுகளுக்கும் மேலாக மக்கள் மனதை கவர்ந்தவை. இந்த இரண்டு துறைகளில் உள்ள பிரபலங்கள் இடையே காதலும், திருமணமும் புதிதல்ல. விராட் கோலி – அனுஷ்கா சர்மா, ஜாஹிர் கான் – சாகரிக்கா காட்கே போன்ற பிரபல ஜோடிகள் இதற்கு உதாரணம்.
அதேபோல் தற்போது நடிகை எடின் ரோஸ், கிரிக்கெட் வீரர் ஸ்ரேயாஸ் ஐயர் மீது காதலாக இருப்பதாக அளித்த பேட்டி இணையத்தில் பரபரப்பை ஏற்படுத்தியுள்ளது. பிக் பாஸ் இந்தி சீசன் 18 மூலம் ரசிகர்களிடையே பிரபலமான எடின் ரோஸ், சமீபத்தில் நடந்த ஒரு பேட்டியில், ஸ்ரேயாஸ் ஐயர் மீது கொண்டுள்ள காதலை வெளிப்படையாகப் பகிர்ந்துள்ளார்.
அவர் கூறியதாவது, “நான் ஸ்ரேயாஸை பைத்தியம் போல் காதலிக்கிறேன். அவர் விளையாடிய ஒரு அதிரடியான இன்னிங்ஸ் பார்த்ததிலிருந்து அவர்மீது கவர்ச்சி அதிகரித்துவிட்டது. அவருக்கு நான் 2 குழந்தைகளுக்கு தாயாக வேண்டும் என்பதே என் கனவு.” என கூறியுள்ளார். இது ரசிகர்கள் மத்தியில் பரபரப்பை ஏற்படுத்தியதுடன், சமூக ஊடகங்களில் வைரலாகியுள்ளது.
இதே நேரத்தில், ஸ்ரேயாஸ் தன்னிடம் ஏதாவது உணர்வு கொண்டிருக்கிறாரா என்பதை தான் நிச்சயமாகக் கூற முடியாது என்றும், ஆனால் அவர் மீது தன் உணர்வுகள் உண்மையானவை என்றும் ரோஸ் தெரிவித்திருக்கிறார்.
ரோஸ் ஒரு தீவிர கிரிக்கெட் ரசிகையாக இருப்பதும், இந்திய கிரிக்கெட்டில் நடைபெறும் போட்டிகளை தொடர்ந்து பார்ப்பதும் குறிப்பிடத்தக்கது. ஸ்ரேயாஸ் ஐயரின் அணியில் சமீபத்தில் நடந்த ஒரு ஆட்டத்தில் அவர் ஆடிய இன்னிங்ஸ் தான் ரோஸை இப்படி ஈர்த்துவிட்டதாகவும் கூறப்படுகிறது.
இந்த இருவருக்கும் இடையே எதாவது நடக்கப்போகிறதா, அல்லது இது ஒரு வெறும் ரசிகையின் சிந்தனையா என்பது காலமே நிரூபிக்க வேண்டும். ஆனால், ஒரு நடிகை இவ்வளவு திறமையாகவுள்ள ஒரு கிரிக்கெட் வீரரைத் திறந்தவெளியில் இவ்வாறு காதலிக்கிறேன் என்று கூறுவது தமிழில் மிக அரிதான நிகழ்வாகும்.
இது இருவரின் வாழ்க்கையிலும் ஒரு புதிய திருப்பமாக மாறுமா? என்ற ஆர்வமும் ரசிகர்களிடையே ஏற்பட்டு வருகிறது.
