பாலிவுட்டில் முன்னணி நடிகராக இருப்பவர் சத்ருஹன் சின்ஹா. இவரது மகள் சோனாக்ஷி சின்ஹாவும் பாலிவுட்டில் கதாநாயகியாக வலம் வருகிறார். தமிழில் ரஜினிகாந்துக்கு ஜோடியாக லிங்கா படத்தில் நடித்தார். இவர் கடந்த சில ஆண்டுகளாக ஜாகீர் இக்பால் என்பவரை காதலித்து வந்தார். இருவருக்கும் கடந்த மாதம் 23ம் தேதி திருமணம் நடந்தது.
சோனாக்ஷி மற்றும் ஜாகீர் இக்பால் திருமணத்தில் பாலிவுட் பிரபலங்கள் பலர் கலந்து கொண்டு மணமக்களை வாழ்த்தினர். திருமணத்திற்கு பிறகு ஜாகிர் இக்பால் தனது அன்பு மனைவி சோனாக்ஷிக்கு BMW i7 என்ற எலக்ட்ரிக் காரை பரிசளித்தார். அந்த காரின் விலை ரூ.2 கோடி. திருமணத்திற்கு பிறகு சோனாக்ஷி தனது காதல் கணவருடன் தேனிலவுக்கு சென்றார்.
திருமணமாகி ஒரு மாதம் நிறைவடைந்ததைக் கொண்டாட சோனாக்ஷி பிலிப்பைன்ஸ் நாட்டுக்கு தேனிலவு சுற்றுலா சென்றுள்ளார். நடிகை சோனாக்ஷி சின்ஹா அங்குள்ள நட்சத்திர ஓட்டலில் தங்கி நீச்சல் குளத்தில் குளித்த போது எடுத்த படங்களை தனது இன்ஸ்டாகிராம் பக்கத்தில் பதிவிட்டுள்ளார்.
பிலிப்பைன்ஸில் தனது வாரம், நேரத்துக்குச் சாப்பிட்டு, உடல் நலத்தைப் பேணுவது வாழ்க்கையை மாற்றிய அனுபவம் என்று சோனாக்ஷி குறிப்பிடுகிறார். இவரது தேனிலவு பயண புகைப்படங்களை பார்த்த ரசிகர்கள், அவர் பதிவிட்ட புகைப்படங்களுக்கு லட்சக்கணக்கில் லைக்குகளையும் அள்ளிக்குவித்து வருகின்றனர்.
