விஜய் பிறந்த நாளை முன்னிட்டு ஜனநாயகன் படத்திலிருந்து ஒரு முக்கிய அப்டேட் வெளியாக இருப்பதாக அறிவிக்கப்பட்டது. இசையமைப்பாளர் அனிருத் ட்விட்டரில் நெருப்பு மற்றும் ட்ரம்ஸ் எமோஜியுடன் “மிட்நைட்” என பதிவு செய்ததைத் தொடர்ந்து ரசிகர்கள் மிகுந்த எதிர்பார்ப்பில் உள்ளனர். இந்த பதிவின் விளைவாக, விஜய் ரசிகர்களின் எதிர்பார்ப்பு இன்னும் அதிகரித்துள்ளது. அனிருத் சமீப காலமாக பட அப்டேட்டுகளுக்கு முன்னதாக சோஷியல் மீடியாவில் இந்த வகையான சிக்னல்கள் கொடுப்பது வழக்கம்.
இந்த அப்டேட்டானது “The First Roar” என தலைப்பிடப்பட்டுள்ளது. இது பாடலா அல்லது கிலிம்ப்ஸ் வீடியோகா என்பது ரசிகர்களிடையே குழப்பத்தை ஏற்படுத்தியுள்ளது. திரைப்பட வெளியீட்டிற்கு இன்னும் ஆறு மாதங்கள் இருப்பதால், பாடலே வெளியிடப்படும் என சிலர் நம்புகின்றனர். ஆனால், எதுவாக இருந்தாலும் தரமான அப்டேட் வந்தாலே போதும் என ரசிகர்கள் கருத்து தெரிவிக்கின்றனர்.
இந்த அப்டேட் வெளியானால், விஜய் ரசிகர்கள் பெரும் அளவில் கொண்டாட உள்ளனர். கடந்த சில நாட்களுக்கு முன்பு எந்த அப்டேட்டும் வராது என்ற வதந்தி பரவிய நிலையில், இந்த அதிகாரப்பூர்வ அறிவிப்பு அவர்களை மகிழ்ச்சியில் ஆழ்த்தியுள்ளது.
ஜனநாயகன் விஜய்யின் கடைசி படம் என்பதால், பிறந்த நாளையொட்டி வெளியாகும் இந்த அப்டேட் அவருடைய ரசிகர்களுக்கு அதிக முக்கியத்துவம் வாய்ந்ததாக உள்ளது. இன்று நள்ளிரவு வெளியிடப்படும் “The First Roar” அப்டேட் விஜய் ரசிகர்களின் கொண்டாட்டத்தை மேலும் தீவிரமாக்கும்.
