தருமபுரி: மேட்டூர் அணையின் நீர்மட்டம் 90 அடியை நெருங்கியுள்ள நிலையில், அணைக்கு நீர்வரத்து வினாடிக்கு 34,690 கன அடியாக குறைந்துள்ளது. கர்நாடகாவில் காவிரி நீர்பிடிப்பு பகுதிகளில் பெய்து வரும் கனமழையால் அங்குள்ள கபினி மற்றும் கேஆர்எஸ் அணைகளின் நீர்மட்டம் உயர்ந்து உபரி நீர் திறந்து விடப்படுகிறது.
இதனால், கடந்த சில நாட்களாக மேட்டூர் அணைக்கு நீர்வரத்து அதிகரித்து வந்த நிலையில், மீண்டும் குறையத் தொடங்கியது. அணைக்கு நேற்று காலை வினாடிக்கு 60,771 கன அடியாக இருந்த நீர்வரத்து மாலையில் 34,690 கன அடியாக குறைந்தது. அணையின் நீர்மட்டம் நேற்று காலை 83.98 அடியில் இருந்து மாலையில் 87.72 அடியாகவும், நீர்வரத்து 46.03 டிஎம்சியில் இருந்து 50.08 டிஎம்சியாகவும் அதிகரித்துள்ளது.
ஒகேனக்கல்லில் 27,000 கனஅடி: தர்மபுரி மாவட்டம் ஒகேனக்கல் காவிரியில் நேற்று காலை வினாடிக்கு 70 ஆயிரம் கனஅடியாக பதிவான நீர்வரத்து மாலையில் 53 ஆயிரம் கனஅடியாக குறைந்தது. இந்நிலையில், இன்று காலை 6 மணி நிலவரப்படி அளவீட்டின் போது வினாடிக்கு 42 ஆயிரம் கன அடியாகவும், மாலை 4 மணி நிலவரப்படி மேலும் 27 ஆயிரம் கன அடியாகவும் நீர்வரத்து குறைந்தது.
அருவிகள் தெரியும்: நீர்வரத்து குறைந்ததால், ஒகேனக்கல் காவிரியில் தண்ணீர் வரத்து சற்று குறைந்துள்ளது. மேலும், வெள்ளத்தில் மூழ்கிய முக்கிய அருவி, சினி அருவி, ஐந்தருவி ஆகியவை தற்போது கண்ணில் தென்படுகின்றன.
இருப்பினும், கர்நாடக மாநிலத்தில் உள்ள அணைகளில் இருந்து திறந்து விடப்படும் உபரி நீரின் அளவு அவ்வப்போது மாற்றப்படும். அதற்கேற்ப ஒகேனக்கல் நீர்மட்டமும் ஏற்ற இறக்கமாக உள்ளது.
