நடிகை ஐஸ்வர்யா ராஜேஷின் அண்ணன் மற்றும் சீரியல் நடிகரான மணிகண்டன், தனது இரண்டாவது திருமணத்தின் தகவலை தற்போது இன்ஸ்டாகிராம் மூலம் உறுதிப்படுத்தியுள்ளார். சில ஆண்டுகளாகவே, அவர் தனது மனைவி சோபியாவை விவாகரத்து செய்து விட்டதாக செய்திகள் வெளியான நிலையில், இது வரை அவர் எந்தவொரு விளக்கமும் அளிக்காமல் இருந்தார்.
தற்போது, தனது இரண்டாவது மனைவியுடன் குழந்தை பிறந்த புகைப்படத்தை பகிர்ந்துள்ள மணிகண்டன், புதிய வாழ்க்கையை தொடங்கியுள்ளார் என்பதை வெளிப்படையாக தெரிவித்திருக்கிறார். இந்த புகைப்படம் ரசிகர்கள் மத்தியில் அதிர்ச்சி மற்றும் ஆச்சரியத்தை ஏற்படுத்தியுள்ளது.
மணிகண்டன், “அவள்”, “சிவா மனசுல சக்தி”, “தாய் வீடு” உள்ளிட்ட சீரியல்களில் நடித்தவர். பின்னர் பிக் பாஸ் நிகழ்ச்சியில் கலந்து கொண்டு பிரபலமானார். அதற்குப் பிறகு “மை டியர் டயானா” போன்ற இணையத் தொடரிலும், “சென்னை சிட்டி கேங்ஸ்டர்ஸ்” திரைப்படத்திலும் நடித்தார்.
முன்னதாக, சீரியலில் சேர்ந்து நடித்த சோபியாவை காதலித்து திருமணம் செய்து கொண்ட அவர், ஆர்யன் என்ற மகனுக்கும் தந்தையாக உள்ளார். ஆனால், அந்த திருமணம் பின்வரும் காலங்களில் முறிந்து விட்டது. இருவரும் பல ஆண்டுகளாக தனித்தனியாக வாழ்ந்து வந்தாலும், இது குறித்து வெளிப்படையாக எதுவும் கூறவில்லை.
இந்த நிலையில், இரண்டாவது திருமணம், குழந்தையின் பிறப்பு என இரட்டை தகவல்களையும் புகைப்படம் மூலம் பகிர்ந்துள்ளார். இது இணையத்தில் வேகமாக பரவி, பரபரப்பை ஏற்படுத்தியுள்ளது.
இதற்குப் பதிலாக, சோபியா தனது இன்ஸ்டாகிராமில் “இனி என் வாழ்க்கை ஒரு அழகான பாதையை நோக்கி செல்கிறது” என பதிவு செய்து, அமைதியான பதிலை வழங்கியுள்ளார்.
