பெங்களூரு: கர்நாடகாவில் மாரடைப்பால் ஏற்படும் இறப்புகள் அதிகரித்து வருவதாக ஊடக அறிக்கைகள் வெளியானதை அடுத்து, மைசூரில் உள்ள தனியார் மருத்துவமனைகளில் மக்கள் இதய பரிசோதனைக்காக குவியத் தொடங்கியுள்ளனர்.
ஏதேனும் இதயப் பிரச்சினைகள் உள்ளதா என மருத்துவமனையில் பரிசோதிக்கக் காத்திருக்கும் கூட்டம். கர்நாடகாவின் மைசூரில் உள்ள ஒரு தனியார் மருத்துவமனையில் மக்கள் தங்கள் இதயங்கள் ஆரோக்கியமாக இருப்பதை உறுதி செய்ய நீண்ட வரிசையில் காத்திருக்கின்றனர். சமீபத்தில், கர்நாடகாவில் மாரடைப்பால் ஏற்படும் இறப்புகளின் எண்ணிக்கை அதிகரித்து வருவது குறித்து ஊடக அறிக்கைகள் வெளியிடப்பட்டன.
குறிப்பாக, ஹாசன் மாவட்டத்தில் மட்டும் கடந்த 40 நாட்களில் 23 இறப்புகள் நிகழ்ந்துள்ளதாகவும், அதில் 6 பேர் 10 முதல் 25 வயதுக்குட்பட்டவர்கள் என்றும், 8 பேர் 25 முதல் 45 வயதுக்குட்பட்டவர்கள் என்றும் தெரிவிக்கப்பட்டது. இதன் காரணமாக, மைசூரில் உள்ள தனியார் மருத்துவமனைகளுக்கு மக்கள் படையெடுக்கத் தொடங்கியுள்ளனர்.
இதய பரிசோதனைக்கு வருபவர்களின் எண்ணிக்கை நாளுக்கு நாள் அதிகரித்து வருவதால் மக்கள் பீதி அடையத் தேவையில்லை என்று மருத்துவர்கள் கூறியுள்ளனர். மருத்துவமனையில் பரிசோதனை செய்து கொள்வது மட்டுமே இதய நோய்களிலிருந்து விடுபடுவதற்கான ஒரே தீர்வு அல்ல என்றும், அன்றாட வாழ்வில் உடற்பயிற்சி மற்றும் உணவுமுறையில் கவனம் செலுத்துவது மிகவும் முக்கியம் என்றும் அவர் விளக்கினார்.
இதற்கிடையில், சில இறப்புகளுக்கான காரணத்தைக் கண்டறிய கர்நாடக அரசு அமைத்த மருத்துவக் குழு சமீபத்தில் பல்வேறு பரிந்துரைகளுடன் தனது அறிக்கையை சமர்ப்பித்துள்ளது.
