மதுரை: “”மாணவர்கள் வேலை தேடுபவர்களாக மாற வேண்டும், வேலை கொடுப்பவர்களாக மாற வேண்டும்,” என மதுரை சுப்பலட்சுமி லட்சுமிபதி அறிவியல் கல்லூரி, ஆர்.எல். இன்ஸ்டிடியூட் ஆப் மேனேஜ்மென்ட் ஸ்டடீஸ், ஆர்.எல்.ஐ.எம்.எஸ்., 25வது பட்டமளிப்பு விழாவில் கூறினார். ஆச்சி குழும நிறுவனர் பத்மசிங் ஐசக் பேசினார்.
விழாவை கல்லூரித் தலைவர் டாக்டர் ஆர்.லட்சுமிபதி தொடங்கி வைத்தார். “மாணவர்கள் படிக்கும் போதே கல்வியுடன் மற்ற தகுதிகளையும் வளர்த்துக் கொள்ள வேண்டும். அப்போது தான் வாழ்க்கையில் சாதிக்க முடியும்; சிறந்த எதிர்கால இந்தியாவை உருவாக்க முடியும்,” என்றார்.
மாணவர்களுக்கு பட்டங்களை வழங்கி ஆச்சி குழும நிறுவனர் பத்மசிங் ஐசக் கூறியதாவது:
முதல்வனாக இரு அல்லது முதல்வனுடன் இரு என்பதை மாணவர்கள் மனதில் கொள்ள வேண்டும். மாணவர்கள் எதிர்காலத் தேவைக்கான திறன்களை வளர்த்துக் கொள்ள வேண்டும்.
இங்கு தொழில் வாய்ப்புகள் ஏராளமாக உள்ளன. பட்டதாரிகள் வேலை தேடுபவர்களாக இல்லாமல் வேலைகளை உருவாக்குபவர்களாக இருக்க வேண்டும். அதற்கு, தொழில் தொடங்க ஆர்வம் காட்ட வேண்டும். எந்த வேலை செய்தாலும் ரசிக்க வேண்டும்; வெற்றி தானாக வரும். ஒரு மாணவனாக, நீங்கள் எடுக்கும் முயற்சியும், நீங்கள் கற்றுக் கொள்ளும் கல்வியும், அதில் நீங்கள் செலுத்தும் நேர்மையும் உங்களை உயர்ந்த இடத்திற்கு அழைத்துச் செல்லும்.
ஒவ்வொரு மாணவனுக்குள்ளும் ஒரு தொழில்முனைவோர் இருக்கிறார். அதைக் கண்டுபிடித்து அடையுங்கள். சந்தை வாய்ப்புகளுடன் பொருந்தக்கூடிய திறன்களை வளர்த்துக் கொள்வதன் மூலம் உலகளாவிய வெற்றியை அடைய முடியும். இவ்வாறு அவர் பேசினார்.
கல்லூரிச் செயலர் டாக்டர் எல்.ராமசுப்பு, நிர்வாக மேலாளர் ஆர்.ராம்குமார், துணை முதல்வர் குருபாஸ்கர், டீன் பிரியா, தேர்வு ஆணையர் ஜெர்லின் ரூபா, துறைத் தலைவர்கள், பெற்றோர்கள் பங்கேற்றனர். முதல்வர் சுஜாதா வரவேற்றார்.
