மான்செஸ்டரில் நடைபெறும் இந்தியா-இங்கிலாந்து 4வது டெஸ்ட் போட்டியில், இந்திய அணி முக்கிய மாற்றங்களை மேற்கொண்டது. கடந்த 3வது போட்டியில் வாய்ப்பு பெற்ற கருண் நாயர், வாய்ப்பை சாதனையாக மாற்றத் தவறினார். அதனால், தற்போது அவரது இடத்தில் சாய் சுதர்சன் அணியில் இடம்பெற்றுள்ளார். ஆனால் இந்த முடிவில் சம்மதமில்லை என தெரிவித்த முன்னாள் வீரர் முகமது கைப், கேப்டன் சுப்மன் கில்மீது கடும் விமர்சனம் எழுப்பியுள்ளார்.
8 வருட கழிவில் கம்பேக் கொடுத்து, கடினமான பயணத்துக்குப் பிறகு இந்திய அணியில் இணைந்த கருண் நாயருக்கு, மீண்டும் ஒரு வாய்ப்பு கொடுக்கப்பட வேண்டுமென கைப் வலியுறுத்தியுள்ளார். அவர் தனது ட்விட்டர் பதிவு ஒன்றில், “இன்று சுப்மன் கிலுக்கு, கருண் நாயரை ஆதரித்து இன்னும் ஒரு தகுதியான வாய்ப்பைக் கொடுப்பதற்கான அரிய வாய்ப்பு இருந்தது. ஆனால் அந்த வாய்ப்பை தவற விட்டார். இது ஒரு கேப்டனாக மரியாதையை சம்பாதிக்கும் தருணமாக இருந்திருக்க முடியும்” என்று தெரிவித்துள்ளார்.
சாயின் தேர்வுக்குத் தெளிவான ஆதரவு சிலரிடமிருந்து கிடைத்தாலும், கருண் நாயரை உடனே நீக்குவது அதியாசமாகும் என்பதுதான் சிலரின் கருத்து. 2016 இங்கிலாந்து சுற்றுப்பயணத்தில் டிரிபிள் செஞ்சுரி அடித்த வீரராக கருண் நாயர் விளங்கினார். அத்துடன், மத்திய தரப்பில் ஒரு ஸ்டேபிள் இடம் தேவைப்படும் சூழ்நிலையில், அவருக்கு இன்னொரு வாய்ப்பு கொடுத்திருக்கலாம் என்பது பலரது எண்ணமாக உள்ளது.
தற்போது இந்திய அணி தொடரில் 1-2 என்ற நிலைமையில் இருப்பதால், இந்த மாற்றங்கள் வெற்றிக்கு வழிவகுக்கும் என்பதை காண ஆவலுடன் ரசிகர்கள் காத்திருக்கின்றனர்.
