லண்டனில் நடைபெறும் ஐந்தாவது டெஸ்ட் போட்டி மிகவும் பரபரப்பாக மாறியுள்ளது. தொடரில் 1-2 என பின்தங்கி உள்ள இந்தியா, இந்த போட்டியை வென்றால் தொடரை சமன் செய்யும் வாய்ப்பு உள்ளது. முதல் இன்னிங்சில் இந்தியா 224 ரன்கள், இங்கிலாந்து 247 ரன்கள் எடுத்தன. இரண்டாவது இன்னிங்சில் இந்தியா 396 ரன்கள் எடுத்ததால், இங்கிலாந்துக்கு வெற்றிக்காக 374 ரன்கள் இலக்காக நிர்ணயிக்கப்பட்டது. இங்கிலாந்து 106/3 என்ற நிலைக்கு செல்லும் போது, கிருஷ்ணா, சிராஜ் ஆகியோர் முக்கிய விக்கெட்டுகளை வீழ்த்தினர்.
பின்னர், ஹாரி புரூக் மற்றும் ஜோ ரூட் அதிரடி சதங்களை பதிவு செய்தனர். புரூக் 111 ரன் எடுத்தபோது சிராஜ் அவரை வெளியேற்றினார். ரூட் தனது 39வது டெஸ்ட் சதம் (105 ரன்) அடித்தபின் அவுட்டாகினார். இரவு நேர விளக்குகள் குறைவானதும், மழையும் சேர்ந்ததும் காரணமாக ஆட்டம் நிறுத்தப்பட்டது.
இங்கிலாந்து தற்போது 339/6 என்ற நிலைமையில் உள்ளது. வெற்றிக்கு 35 ரன்கள் தேவை, இந்தியாவுக்கு வெற்றிக்காக 3 விக்கெட்டுகள் வேண்டும். வோக்ஸ் காயம் அடைந்த நிலையில் இந்திய பவுலர்கள் இன்று அசத்தியால் வெற்றியை உறுதி செய்யலாம்.
