திருப்பூர்: சுதந்திர போராட்ட தியாகி தீரன் சின்னமலை நினைவு தினத்தையொட்டி, திருப்பூர் மாவட்டத்தில் உள்ள அனைத்து அரசு அலுவலகங்கள் மற்றும் கல்வி நிறுவனங்களுக்கு ஆகஸ்ட் 3ம் தேதி சனிக்கிழமை உள்ளூர் விடுமுறை அறிவிக்கப்பட்டுள்ளது.
ஈரோடு மாவட்டம் காங்கேயம் அருகே உள்ள மேலப்பாளையத்தில் ரத்னசாமி கவுண்டர், பெரியதா தம்பதிக்கு மகனாக 1756ஆம் ஆண்டு ஏப்ரல் 17ஆம் தேதி திரன் சின்னமலை பிறந்தார். இவரின் இயற்பெயர் தீர்த்தகிரி, வாள்வீச்சு, வில்வித்தை, வாள்வீச்சு, மல்யுத்தம், துருவம் எறிதல் ஆகிய தற்காப்புக் கலைகளை இளம் வயதிலேயே கற்றவர்.
மைசூர் மன்னர் திப்பு சுல்தானுடன் இணைந்து ஆங்கிலேயர்களின் அடிமையாக இருந்த இந்தியாவை மீட்க பல புதிய போர் யுக்திகளை கையாண்டு போராடினார். பல போர்களில் தோல்வியடைந்த ஆங்கிலேயர்கள், தீரன் சின்னமலையை ஆத்திரமடைந்து சூழ்ச்சி செய்து அவரையும் அவரது சகோதரர்களையும் கைது செய்து 1805 ஜூலை 31 அன்று சங்ககிரிக் கோட்டையில் தூக்கிலிட்டனர்.
அப்படிப்பட்ட பிரபல சுதந்திர போராட்ட வீரர் தீரன் சின்னமலையின் 218வது நினைவு தினமான 3.8.2024 அன்று திருப்பூர் மாவட்டத்திற்கு உள்ளூர் விடுமுறை அறிவிக்கப்பட்டுள்ளது. இதன் காரணமாக அனைத்து பள்ளி, கல்லூரிகள் மற்றும் அரசு அலுவலகங்களுக்கு விடுமுறை அளிக்கப்பட்டுள்ளது.
