புதுடெல்லி: அரசுப் பள்ளிகள் மற்றும் அரசு உதவி பெறும் பள்ளிகளில் ஆசிரியராகப் பணியாற்றவும், பதவி உயர்வு பெறவும் ஆசிரியர் தகுதித் தேர்வில் (‘TET’) தேர்ச்சி பெறுவது கட்டாயம் என்று உச்ச நீதிமன்றம் தீர்ப்பளித்துள்ளது. அரசுப் பள்ளிகளில் ஆசிரியர் நியமனம் மற்றும் பதவி உயர்வுக்கு ‘TET’ தகுதித் தேர்வை கட்டாயமாக்கி சென்னை உயர் நீதிமன்றம் உத்தரவு பிறப்பித்துள்ளது.
இதை எதிர்த்து பல்வேறு ஆசிரியர் சங்கங்கள் சார்பில் உச்ச நீதிமன்றத்தில் மேல்முறையீடுகள் தாக்கல் செய்யப்பட்டன. இந்த வழக்கு நீதிபதிகள் தீபங்கர் தத்தா மற்றும் மன்மோகன் ஆகியோர் அடங்கிய அமர்வில் விசாரணைக்கு வந்தது. மொழி மற்றும் மத சிறுபான்மை பள்ளிகளை கட்டாயக் கல்வி உரிமைச் சட்டத்திலிருந்து விலக்கு அளித்த தீர்ப்பில் சில சந்தேகங்கள் உள்ளன. அவற்றை நீக்க ஒரு அரசியலமைப்பு அமர்வை அமைக்க தலைமை நீதிபதிக்கு நாங்கள் பரிந்துரைக்கிறோம்.
அதுவரை, அனைத்து அரசு மற்றும் அரசு உதவி பெறும் பள்ளிகளும் கட்டாயக் கல்வி உரிமைச் சட்டத்தின்படி செயல்பட வேண்டும். விளம்பரம் கட்டாயக் கல்வி உரிமைச் சட்டம் இயற்றப்படுவதற்கு முன்பு 20 அல்லது 30 ஆண்டுகள் பணியில் இருந்த ஆசிரியர்களை ‘TET’ தேர்வை எழுதச் சொல்வது பொருத்தமற்றது என்பதால், 5 ஆண்டுகள் மட்டுமே பணியாற்றிய ஆசிரியர்களை ‘TET’ தேர்வில் தேர்ச்சி பெறுவதிலிருந்து விலக்கு அளிக்க உச்ச நீதிமன்றத்தின் சிறப்பு அதிகாரத்தைப் பயன்படுத்துகிறோம். அதே நேரத்தில், 5 ஆண்டுகளுக்கும் குறைவான சேவைக் காலம் கொண்ட ஆசிரியர்கள் பதவி உயர்வு பெற விரும்பினால் ‘TET’ தேர்வில் தேர்ச்சி பெற வேண்டும்.
இருப்பினும், கட்டாயக் கல்வி உரிமைச் சட்டம் அமலுக்கு வருவதற்கு முன்பு ஆசிரியர்களாகச் சேர்ந்து 5 ஆண்டுகளுக்கு மேல் பணியாற்றிய ஆசிரியர்கள் அடுத்த 2 ஆண்டுகளுக்குள் ‘TET’ தேர்வில் தேர்ச்சி பெற வேண்டும். இதில் தேர்ச்சி பெறாத ஆசிரியர்களை பணிநீக்கம் செய்ய வேண்டும். அவர்களை ஓய்வு பெற்றவர்களாகக் கருதி ஓய்வூதியப் பலன்களை உறுதி செய்ய வேண்டும்.
மாற்றுத் திறன்கள் உள்ளிட்ட குறைபாடுகள் காரணமாக ‘TET’ தேர்வை எழுத முடியாத ஆசிரியர்களின் கோரிக்கைகளை மாநில அரசுகள் பரிசீலிக்கலாம். ஆசிரியர் பணியில் சேர விரும்பும் ஒவ்வொரு ஆசிரியரும், பதவி உயர்வு பெற விரும்பும் ஆசிரியர்களும் ‘TET’ தேர்வில் தேர்ச்சி பெற்று முழு தகுதி பெற்றிருக்க வேண்டும். இல்லையெனில், அரசு மற்றும் அரசு உதவி பெறும் பள்ளிகளில் ஆசிரியர்களாக தொடர்ந்து பணியாற்ற முடியாது. இவ்வாறு நீதிபதிகள் தீர்ப்பளித்துள்ளனர்.
