சென்னை: டிஎன்பிஎல் டி20 கிரிக்கெட் தொடரின் இறுதிப் போட்டியில் திண்டுக்கல் டிராகன்ஸ் – லைக்கா கோவை கிங்ஸ் அணிகள் இன்று பலப்பரீட்சை நடத்துகின்றன. இந்த ஆட்டம் சென்னை சேப்பாக்கம் எம்.ஏ.சிதம்பரம் மைதானத்தில் இரவு 7.15 மணிக்கு நடைபெறுகிறது.
குவாலிஃபையர் 1ல் திருப்பூரை 7 விக்கெட் வித்தியாசத்தில் வீழ்த்தி நடப்பு சாம்பியனான கோவை அணி இறுதிப் போட்டிக்கு தகுதி பெற்றது. இதனிடையே, எலிமினேட்டரில் ரவிச்சந்திரன் அஸ்வின் தலைமையிலான திண்டுக்கல் அணி 4 முறை சாம்பியனான சேப்பாக் சூப்பர் கில்லீஸ் அணியையும், தகுதிச் சுற்று 2ல் திருப்பூர் அணியையும் வீழ்த்தி இறுதிச் சுற்றுக்குள் நுழைந்தது. இன்றைய போட்டியில் வெற்றி பெறும் அணிக்கு கோப்பை மற்றும் ரூ.50 லட்சம் பரிசுத் தொகை வழங்கப்படும். 2வது இடம் பிடிக்கும் அணிக்கு ரூ.30 லட்சம் வழங்கப்படும்.
