சென்னையில் தங்கம் மற்றும் வெள்ளி விலைகள் தொடர்ந்து உயர்ந்து வருகின்றன. இன்று (அக்டோபர் 04) தங்கம் சவரனுக்கு ரூ.400 அதிகரித்து ரூ.87,600 ஆக விற்பனை செய்யப்படுகிறது. அதேபோல் கிராமுக்கு ரூ.50 அதிகரித்து ரூ.10,950க்கு விற்கப்படுகிறது. இதனால் தங்க விலை ரூ.11 ஆயிரம் என்ற உச்சத்தை நெருங்கியுள்ளது.
சர்வதேச சந்தையில் முதலீட்டாளர்கள் பாதுகாப்பு கருதி தங்கத்தில் அதிக அளவில் முதலீடு செய்வதால் அதன் விலை தொடர்ந்து உயர்கிறது. கடந்த சில நாட்களாக தினசரி விலை ஏற்ற இறக்கங்கள் இருந்தாலும், இன்று மீண்டும் தங்கம் சாதனை விலையை தொட்டுள்ளது. நேற்று காலை சவரனுக்கு 86,720 ரூபாய்க்கு விற்பனையான தங்கம், மாலை நேரத்தில் 87,200 ரூபாய்க்கு உயர்ந்தது. இன்று அதற்கு மேலும் உயர்ந்து வரலாறு காணாத விலை நிலவரத்தை எட்டியுள்ளது.
வெள்ளி விலையும் அதே போன்று உயர்ந்து வருகிறது. இன்று கிராமுக்கு ரூ.3 அதிகரித்து ரூ.165 ஆக விற்பனை செய்யப்படுகிறது. ஒரு கிலோ வெள்ளி ரூ.1,65,000 என்ற புதிய உயரத்தை எட்டியுள்ளது. தங்கம் போலவே வெள்ளியும் சர்வதேச காரணிகளால் விலை உயர்வை சந்தித்து வருகிறது. இதனால் பொதுமக்கள், குறிப்பாக ஆபரணங்களை வாங்க விரும்புவோர் குழப்பத்தில் உள்ளனர்.
மொத்தத்தில் தங்கம், வெள்ளி விலை கடந்த காலத்தில் இல்லாத வகையில் உயர்ந்து வருகிறது. முதலீட்டாளர்களுக்கு இது நல்ல வாய்ப்பாக இருந்தாலும், பொதுமக்கள் மற்றும் மணமக்கள் குடும்பங்களுக்கு இது சிரமத்தை ஏற்படுத்துகிறது. வருங்காலத்தில் விலை மேலும் உயரும் வாய்ப்புகள் உள்ளதாக வணிகர்கள் கருதுகின்றனர்.
