சென்னை: சென்னை கோயம்பேடு சந்தையில் பீன்ஸ், நூக்கல், கோஸ் விலை அதிகரித்துள்ளது. கோயம்பேடு சந்தையில் கடந்த 2 மாதங்களாக காய்கறி விலைகள் குறைந்து வருகின்றன. இந்நிலையில், கடந்த சில நாட்களாக சில காய்கறிகளின் விலைகள் அதிகரித்துள்ளன.
குறிப்பாக, கடந்த வாரம், கிலோ ரூ.25-க்கு விற்கப்பட்ட பீன்ஸின் மொத்த விலை கிலோ ரூ.60 ஆகவும், ரூ.15-க்கு விற்கப்பட்ட நூக்கல் ரூ.30 ஆகவும், ரூ.5-க்கு விற்கப்பட்ட மட்டன் கோஸ் ரூ.10 ஆகவும் அதிகரித்துள்ளது.
விலை உயர்வு குறித்து கோயம்பேடு சந்தையில் காய்கறி வியாபாரிகள் கூறுகையில், “தற்போது புரட்டாசி மாதம் என்பதால், அசைவ உணவு தவிர்க்கப்பட்டு, சைவ உணவு அதிகமாக உட்கொள்ளப்படுவதால், காய்கறிகள் அதிகமாக வாங்கப்படுகின்றன.
இதன் காரணமாக, விலைகள் அதிகரித்துள்ளன,” என்றார்.
