வெற்றிமாறன் இயக்கத்தில் சிம்பு நடிக்கும் புதிய படத்தின் ப்ரோமோ ரிலீஸ் தேதியில் மாற்றம் ஏற்பட்டுள்ளது. இதற்கான காரணம் வெளியாகியுள்ளது. வெற்றிமாறன் இயக்கத்தில் சிம்பு நடிக்கும் புதிய படத்தின் ப்ரோமோ இன்று வெளியாகவிருந்தது. இது மாற்றப்பட்டுள்ளது. இது தொடர்பாக தயாரிப்பாளர் தாணு கூறுகையில், “சிம்பு ரசிகர்களின் அன்பான வேண்டுகோளின்படி, சிம்பு மற்றும் வெற்றிமாறன் படத்தின் முன்னோட்டத்தை திரையரங்குகளிலும் சமூக ஊடகங்களிலும் ஒரே நேரத்தில் வெளியிடுவது, இவ்வளவு நாட்கள் ரசிகர்களின் பொறுமைக்கு கிடைத்த வெகுமதியாகும்.
எனவே, சென்சார் பணிகள் நிறைவடைந்துள்ளன, விரைவில் பிரமாண்ட முன்னோட்டம் உங்கள் கண் முன்னே வெளியிடப்படும்.” இந்த அறிவிப்பு சிம்பு ரசிகர்களிடையே பெரும் அதிர்ச்சியை ஏற்படுத்தியது. பின்னணி இசை பணிகள் இன்னும் தொடங்கப்படாததே இந்த மாற்றத்திற்கான காரணம். படத்தின் இசை இயக்குநராக அனிருத் ஒப்பந்தம் செய்யப்பட்டுள்ளார்.
அவரது பணிகள் மற்றும் சென்சார் பணிகளை முடித்த பிறகு, அக்டோபர் 16-ம் தேதி ப்ரோமோவை வெளியிட படக்குழு முடிவு செய்துள்ளது. அன்றைய தினம் அனிருத்தின் பிறந்தநாள். ப்ரோமோ வீடியோ மூலம் அனிருத் தான் இசையமைப்பாளர் என்பதை அறிவிக்கவும் படக்குழு முடிவு செய்துள்ளது.
வெற்றிமாறன் – சிம்பு – அனிருத் புதிய கூட்டணியை உருவாக்கியுள்ளனர். இதற்கு நிறைய எதிர்பார்ப்பு உள்ளது. படத்தின் கதை முழுக்க முழுக்க வட சென்னை பின்னணியில் உருவாக்கப்பட்டுள்ளது. இதன் படப்பிடிப்பை ஒரே கட்டத்தில் முடிக்க திட்டமிட்டுள்ளனர். இதில் சிம்புவுடன் நடிக்கும் நபர்கள் குறித்த அறிவிப்பு விரைவில் வெளியாகும்.
