டெல்லி: இந்தியா – வெஸ்ட் இண்டீஸ் டெஸ்ட் போட்டியில், யஷஸ்வி ஜெய்ஸ்வால் இரட்டை சதம் நோக்கி பாய்ந்தபோது, கேப்டன் சுப்மன் கில்லின் தயக்கம் அவரது கனவை நொறுக்கியது. இதனால் மைதானத்திலும், சமூக வலைதளங்களிலும் பெரும் சர்ச்சை கிளம்பியுள்ளது.
முதல் நாள் முடிவில் 173 ரன்களில் ஆட்டமிழக்காமல் இருந்த ஜெய்ஸ்வால், இரண்டாம் நாள் இரட்டை சதத்தை நோக்கி உற்சாகமாக விளையாடினார். ஆனால் வேகப்பந்துவீச்சாளர் ஜெய்டன் சீல்ஸின் பந்தை மிட்-ஆஃப் திசையில் தட்டியபின் ஓட முயன்ற ஜெய்ஸ்வாலின் அழைப்பிற்கு கில் தயங்கினார். இதனால் ஜெய்ஸ்வால் பாதியிலேயே சிக்கி, ரன் அவுட்டானார் — வெறும் 175 ரன்களுடன்!
ரன் அவுட் ஆனதும் ஜெய்ஸ்வால் கடும் கோபத்தில் கில்லைக் கண்ணால் சுட்டார். “நான் அழைத்தேனே!” என்றபடி சைகை செய்து தனது ஏமாற்றத்தை வெளிப்படுத்தினார். அம்பயர் தலையிட, அவர் மனவேதனையுடன் மைதானம் விட்டு வெளியேறினார்.
இச்சம்பவம் ரசிகர்களை கடும் ஆவேசமடையச் செய்தது. “ஒரு கேப்டன் இப்படிச் சுயநலமாக நடக்கக் கூடாது”, “ஜெய்ஸ்வாலின் சாதனையை கில் பறித்துவிட்டார்” என சமூக வலைதளங்களில் விமர்சனங்கள் மழையாக பெய்தன. கிரிக்கெட் நிபுணர்களும் “ஸ்ட்ரைக்கர் அழைப்பு முக்கியம் — கில்லின் தயக்கம் ஒரு பெரிய தவறு” எனக் குறிப்பிட்டுள்ளனர்.
பின்னர் கில் 129 ரன்களுடன் சதம் அடித்து ஆட்டமிழக்காமல் இருந்தாலும், ரசிகர்கள் மனம் குளிரவில்லை. இந்திய அணி 518 ரன்களில் டிக்ளேர் செய்தது. ஆனால் ரசிகர்களின் மனதில் எரியும் கேள்வி ஒன்று மட்டும்: “ஜெய்ஸ்வாலின் இரட்டை சதம் ஏன் இவ்வாறு பறிபோனது?”
