நான் ஆல்கஹாலிக் ஃபேட்டி லிவர் நோய் என்பது இன்சுலின் எதிர்ப்பு திறன் மற்றும் ஒட்டுமொத்த உணவின் தரத்தோடு நெருங்கிய தொடர்பு கொண்டுள்ளது. காய்கறிகள், குறிப்பாக மாவுச்சத்து அல்லாத நார்ச்சத்து நிறைந்தவை, பசி உணர்வை கட்டுப்படுத்தி உடல் எடையை பராமரிக்க உதவுகிறது. இவை கல்லீரலில் கொழுப்பு சேராமல் தடுக்கும் ஆன்டி-ஆக்சிடன்ட்களை வழங்குவதால், உடல் இயற்கையாக குணப்படுவதற்கான வாய்ப்பையும் அதிகரிக்கிறது.
கல்லீரல் நமது உடலில் மிக முக்கியமான உள்ளுறுப்புகளில் ஒன்றாகும். தினசரி பழக்கவழக்கங்கள் சில நேரங்களில் இதன் ஆரோக்கியத்தை பாதிக்கக்கூடும். சரியான உணவு தேர்வு மற்றும் வாழ்க்கை முறை மாற்றங்கள் கல்லீரல் ஆரோக்கியத்தை மேம்படுத்துவதோடு, ஃபேட்டி லிவர் டிசீஸ் போன்ற நோய்களுக்கு எதிரான பாதுகாப்பையும் வழங்குகிறது. காய்கறிகள் மற்றும் இலை காய்கறிகள் உடலுக்கு தேவையான ஊட்டச்சத்துக்களை வழங்குவதால், கல்லீரல் செயல்பாட்டை சரி பார்த்து, நோய் ஏற்படாமல் தடுக்கும்.
சிலுவை காய்கறிகள், ப்ராக்கோலி மற்றும் காலிஃபிளவர் குறைந்த கலோரி, அதிக நார்ச்சத்து கொண்டவை. இதில் உள்ள குளுக்கோசைனோலேட்டுகள் உடலில் ஆர்டிஒஸ் (Isothiocyanates) ஆக மாற்றப்பட்டு கல்லீரல் கொழுப்பு மற்றும் வீக்கத்தை கட்டுப்படுத்துகிறது. பச்சை இலை காய்கறிகள், நார்ச்சத்து, ஃபோலேட் மற்றும் பாலிபீனால்கள் நிறைந்தவை, இதனால் கல்லீரல் ஆரோக்கியம் மேம்படும். இந்த கீரைகளை பொரியலாக, ஆம்லெட், பராத்தா அல்லது சாலட் வடிவில் சேர்த்து சாப்பிடலாம்.
பீட்ரூட் போன்ற காய்கறிகள் கல்லீரலில் செயல்பாட்டை மேம்படுத்தும் பீட்டாலைன்கள் மற்றும் ஆன்டி-ஆக்சிடன்ட்கள் நிறைந்தவை. இவை கல்லீரலில் கொழுப்பு குறையும் செயல்முறையை ஊக்குவிக்கின்றன. பீட்ரூட்டை எலுமிச்சையோடு சேர்த்து சாலட் ஆக சாப்பிடலாம் அல்லது பீட்ரூட், கேரட் மற்றும் முட்டைகோஸ் ஆகியவற்றுடன் பொரியலாகச் செய்து உணவிற்கு சேர்த்துக் கொள்ளலாம். உடலின் ஆரோக்கியத்தையும், கல்லீரல் பாதுகாப்பையும் மேம்படுத்த இந்த மூன்று வகை காய்கறிகளை தொடர்ந்து உணவில் சேர்த்துக் கொள்ள வேண்டும்.
