கோவை: கோவை – அபுதாபி இடையே நேரடி விமான சேவை இன்று (சனிக்கிழமை) காலை தொடங்கியது. பயணிகள் மற்றும் தொழில் நிறுவனங்களின் பல ஆண்டு கோரிக்கைக்கு பிறகு கோவை – அபுதாபி இடையே நேரடி விமான சேவை தொடங்கப்படும் என அறிவிக்கப்பட்டுள்ளது.
அதன்படி, இண்டிகோ நிறுவனம் சார்பில் கோவை – அபுதாபி விமான சேவை இன்று (ஆகஸ்ட் 10) முதல் தொடங்கப்பட்டுள்ளது. இன்று காலை 6.40 மணிக்கு அபுதாபியில் இருந்து கோவை செல்லும் விமானத்தில் 163 பயணிகள் வந்தனர்.
மீண்டும் காலை 7:30 மணிக்கு 168 பயணிகளுடன் கோவையில் இருந்து அபுதாபிக்கு விமானம் புறப்பட்டது. கோவை – அபுதாபி இடையே விமான சேவை துவங்கியிருப்பது மிகுந்த மகிழ்ச்சி அளிக்கிறது.கோவையில் இருந்து உலகின் பல்வேறு நாடுகளை சென்றடைய இந்த விமான சேவை பெரிதும் உதவும் என கோவை தொழில்துறையினர் கூறுகின்றனர்.
