சென்னை: ‘குட் பேட் அக்லி’ படத்தில் திரிஷா அஜித் உடன் இணைந்து நடிக்க இருப்பதாகவும் தகவல்கள் வெளியாகியுள்ளன. இதனால் ரசிகர்கள் உற்சாகம் அடைந்துள்ளனர்.
அஜித்தின் 63-வது படமான ‘குட் பேட் அக்லி’ படத்தை ஆதிக் ரவிச்சந்திரன் இயக்குகிறார். இந்த படத்தை மைத்ரி மூவி மேக்கர்ஸ் நிறுவனம் தயாரிக்கிறது. இந்த திரைப்படத்திற்கு தேவிஸ்ரீ பிரசாத் இசையமைக்கிறார்.படம் 2025-ம் ஆண்டு பொங்கல் தினத்தில் வெளியாகும் என அறிவிக்கப்பட்டுள்ளது.
மகிழ்திருமேனி இயக்கத்தில் அஜித் நடித்துள்ள விடா முயற்சி படத்தில் அஜித்துடன் நடித்திருக்கும் திரிஷா, அதையடுத்து ஆதிக் ரவிச்சந்திரன் இயக்கத்தில் அஜித் நடித்து வரும் ‘குட் பேட் அக்லி’ என்ற படத்திலும் இணைந்து நடிக்க இருப்பதாகவும் தகவல்கள் வெளியாகியுள்ளன. இது குறித்த பேச்சுவார்த்தை நடந்து முடிந்து விட்டதாகவும், இப்படத்தின் அடுத்தகட்ட படப்பிடிப்பு ஐதராபாத்தில் நடக்கும்போது அஜித் உடன் திரிஷாவும் இணைந்து நடிக்க இருப்பதாகவும் கோலிவுட்டில் தகவல்கள் வெளியாகியுள்ளன.
திரிஷா ஜி, கிரீடம், மங்காத்தா, என்னை அறிந்தால் உள்ளிட்ட படங்களில் அஜித்துடன் இணைந்து நடித்துள்ளார். இத்தகவல் ரசிகர்கள் மத்தியில் உற்சாகத்தை ஏற்படுத்தி உள்ளது.
