சென்னை: கடந்த பிப்ரவரி மாதம் தமிழ்நாடு வெற்றிக் கழகம் என்ற கட்சியை தொடங்கிய நடிகர் விஜய், 2026-ம் ஆண்டு சட்டப்பேரவைத் தேர்தலை எதிர்கொள்ள தீவிரமாக செயல்பட்டு வருகிறார்.
இதையடுத்து கடந்த மாதம் கட்சி கொடி மற்றும் பாடலை அறிமுகப்படுத்தினார். அந்த நிகழ்வில் விரைவில் மாநாடு நடைபெறும் என்றும் விஜய் அறிவித்தார். இதற்காக அக்கட்சியின் பொதுச்செயலாளர் என்.ஆனந்த் பல்வேறு பகுதிகளில் ஆய்வு நடத்தி வரும் 23-ம் தேதி விக்கிரவாண்டியில் மாநாடு நடக்கிறது.
தேர்வு செய்யப்பட்ட இடத்தில் மாநாட்டு ஏற்பாடுகள் குறித்து போலீசார் தரப்பில் 21 கேள்விகளுக்கு பதிலளிக்க கட்சி நிர்வாகிகளுக்கு உத்தரவிடப்பட்டது.
கேள்விக்கான பதிலை கட்சியின் பொதுச் செயலாளர் என்.ஆனந்த் மற்றும் முக்கிய நிர்வாகிகள் தயார் செய்துள்ளனர். இந்த பதில்கள் அடங்கிய பட்டியலுக்கு ஒப்புதல் அளிக்கும் வகையில், நேற்று சென்னை பனையூரில் உள்ள கட்சி தலைமை அலுவலகத்தில் கட்சி நிர்வாகிகளுடன் விஜய் ஆலோசனை நடத்தினார்.
அப்போது, பல்வேறு விஷயங்களில் சட்ட வல்லுனர்களையும் கலந்தாலோசித்து பதில்களுக்கு ஒப்புதல் அளித்தார். அதன்படி, அங்கீகரிக்கப்பட்ட பதில்களை வரும் 5-ம் தேதிக்குள் விழுப்புரம் காவல் கண்காணிப்பாளரிடம் கட்சியின் பொதுச்செயலாளர் சமர்பிப்பார்.
அதே நேரத்தில் திட்டமிட்டபடி மாநாடு நடைபெறும் என்றும் அதற்கான பணிகளை நிர்வாகிகள் மேற்கொள்ள வேண்டும் என்றும் அக்கட்சியின் பொதுச்செயலாளர் என்.ஆனந்த் நிர்வாகிகளுக்கு அறிவுரை வழங்கி வருகிறார்.
இதனிடையே, இந்த மாநாட்டில் காங்கிரஸ் கட்சியின் மக்களவை எதிர்க்கட்சித் தலைவர் ராகுல் காந்தி பங்கேற்பார் என்று தகவல் வெளியானது. சமீபத்தில் கட்சியில் இருந்து விலகிய விஜயதாரணி, விஜய் முன்பு கட்சியில் இணைந்ததற்கு ராகுல் காந்தி தான் காரணம் என்று கூறியிருந்தார்.
ராகுல் காந்தியுடன் விஜய் நட்புறவால் ராகுல் காந்தி மாநாட்டில் பங்கேற்பார் என்று கூறப்பட்டது. எனினும் இதனை தவெக திட்டவட்டமாக மறுத்துள்ளார்.
அதே சமயம், இந்த மாநாட்டில் தேசிய அளவிலான முக்கிய தலைவர்கள், மாநில முதல்வர்கள் பங்கேற்க வாய்ப்பு இருப்பதாகவும், இது தொடர்பான அதிகாரப்பூர்வ அறிவிப்பு அடுத்த வாரம் வெளியாகும் என்றும் கட்சி வட்டாரங்கள் தெரிவிக்கின்றன.
