காஞ்சிபுரம்: காஞ்சிபுரம் மாவட்டத்தை சுற்றியுள்ள 20 கிராமங்களை உள்ளடக்கிய 5746 ஏக்கர் பரப்பளவில் பரந்தூர் பசுமை வழி விமான நிலையம் அமைக்கப்படும் என அறிவிப்பு வெளியாகி அதற்கான பணிகளை மத்திய, மாநில அரசுகள் மேற்கொண்டு வருகின்றன.
பரந்தூர் விமான நிலையம் அமைக்கப்படும் என அறிவித்து 771 நாட்களாக தங்களின் வீடுகள், பெறுமதியான நிலங்கள், நீர் நிலைகள் பாதிக்கப்படுவதாக ஏகனாபுரம் கிராம மக்கள் தொடர்ந்து 771 நாட்களாக போராட்டம் நடத்தி வருகின்றனர்.
பல்வேறு போராட்டங்களுக்கு மத்தியில் ஏகனாபுரம் கிராமம் தவிர மற்ற பகுதிகளில் நிலம் கையகப்படுத்துவதற்கான அறிவிப்பு வெளியிடப்பட்டது. இதையடுத்து ஏகனாபுரம் மக்கள் போராட்டம் நடத்தி வரும் நிலையில், கடந்த 28-ம் தேதி தமிழ்நாடு தொழில் முதலீட்டு கழகம் 153 ஏக்கர் நிலத்தை கையகப்படுத்துவதாக அறிவித்தது.
இதையடுத்து ஏகனாபுரம் கிராம மக்கள் சாலை மறியலில் ஈடுபட்டனர். அப்போது பொதுமக்களுக்கும் போலீசாருக்கும் இடையே தள்ளுமுள்ளு ஏற்பட்டது. இதில் 125 பேர் மீது வழக்கு பதிவு செய்யப்பட்டது.
போராட்டத்தின் போது, தங்கள் நிலத்தை அபகரிக்க முயன்றால் தற்கொலை செய்து கொள்வதாக மிரட்டல் விடுத்தனர். இந்நிலையில் தமிழ்நாடு தொழில் முதலீட்டு ஊக்குவிப்பு மற்றும் வணிகத்துறை இன்று மற்றொரு அறிவிப்பை வெளியிட்டுள்ளது.
ஏகனாபுரம் கிராமத்தில் 8 பிரிவுகளாக பிரிக்கப்பட்டு 234 ஏக்கர் நிலம் கையகப்படுத்தப்படும் என அறிவித்துள்ளது. இத்தகைய அறிவிப்பு அப்பகுதியில் பெரும் பரபரப்பை ஏற்படுத்தியுள்ளது.
