சென்னை: நடிகர் ரஜினிகாந்தின் வேட்டையன் படத்தில் இருந்து ஏ.ஐ தொழில் நுட்ப உதவியுடன் மனசிலாயோ பாடல் மலேசியா வாசுதேவன் குரலில் வெளியாகியுள்ளது.
ஜெய் பீம்’ இயக்குநர் ஞானவேல் இயக்கத்தில் வேட்டையன் திரைப்படத்தில் நடிகர் ரஜினிகாந்த் நடித்துள்ளார். இந்த படத்தில் ரஜினிகாந்த் உடன் அமிதாப் பச்சன், பகத் பாசில், ராணா டகுபதி, ரித்திகா சிங், துஷாரா விஜயன் மற்றும் பலர் நடித்துள்ளனர்.
லைகா நிறுவனம் தயாரிக்கும் இந்த படத்தின் படப்பிடிப்பு நிறைவுபெற்று பின்னணி வேலைகள் நடைபெற்று வருகிறது. இந்த படத்திற்கு அனிருத் இசையமைத்துள்ளார்.
கடந்த சில வாரங்களாக படத்தின் டப்பிங் பணிகள் தீவிரமாக நடைப்பெற்று வருகிறது. படத்தின் முதல் பாடலான `மனசிலாயோ’ பாடலின் கிளிம்ப்ஸ் வீடியோவை படக்குழு வெளியிட்டது. இந்த பாடலை மறைந்த பிரபல பின்னணி பாடகரான மலேசியா வாசுதேவன் பாடலை பாடியுள்ளார்.
27 வருடங்களுக்கு பிறகு ரஜினிகாந்த் திரைப்படத்திற்கு மலேசியா வாசுதேவன் பாடியுள்ளார். அவரது குரலை ஏ.ஐ தொழில் நுட்ப உதவியுடன் மீண்டும் உயிர் பெற செய்துள்ளனர். மனசிலாயோ பாடல் தற்பொழுது வெளியாகியுள்ளது. பாடல் மிகவும் துள்ளலலாக அமைந்துள்ளது. தமிழ் மற்றும் மலையாள பாடல் வரிகள் இடம்பெற்றுள்ளது.
பாடலில் இசையமைப்பாளர் அனிருத் ரஜினியுடன் இணைந்து ஆடியுள்ளார். மஞ்சு வாரியர் சிறப்பாக குத்து நடனம் ஆடியுள்ளார்.
