சென்னை: சுவையாக, கோவைக்காய் வறுவலை செய்வது எப்படி என்பதை தெரிந்து கொள்ளுங்கள்.
தேவையான பொருட்கள்:
கோவைக்காய் – கால் கிலோ (நீளவாக்கில் நறுக்கவும்)
மஞ்சள்தூள் – கால் ஸ்பூன்
மிளகாய்த்தூள் – தேவைக்கேற்ப
சீரகக்தூள், தனியாத்தூள் – தலா ஒரு டீஸ்பூன்
கறிவேப்பிலை – சிறிதளவு
எண்ணெய் – ஒரு டேபிள்ஸ்பூன்
உப்பு – தேவையான அளவு.
செய்முறை: கோவைக்காயை நீளவாக்கில் நறுக்கி, மஞ்சள் தூள், மிளகாய்த்தூள், சீரகத்தூள், தனியாத்தூள், உப்பு, கறி வேப்பிலை சேர்த்துப் பிசறி 5 நிமிடம் வைக்கவும்.
அடி கனமான கடாயை அடுப்பில் வைத்து, எண்ணெய் ஊற்றி, காய்ந்ததும் பிசிறி வைத்த கோவைக்காயை போட்டு சில நிமிடங்கள் அதிக தீயில் வைத்து மூடிவிடவும். பிறகு, தீயை மிதமான சூட்டில் வைத்து நன்கு வதக்கி, வெந்தவுடன் இறக்கவும்.
சுவையான கோவைக்காய் வறுவல் தயார். இதை தயிர்சாதம், சாம்பார் சாதம், சப்பாத்தியுடன் சாப்பிட சுவை சூப்பராக இருக்கும்.
