அண்ணாநகர்: இன்று தமிழகம் முழுவதும் தேசிய முற்போக்கு திராவிட கழகம் கொடி ஏற்றி நலத்திட்டங்களை வழங்கி பொதுக்கூட்டம் நடத்தி கொண்டாடுகிறது.
விஜயகாந்தின் பத்மபூஷன் விருது, அவரது 72-வது பிறந்தநாள், தேமுதிகவின் 20-வது ஆண்டு விழாவை முப்பெரும் விழாவாக கொண்டாடுகிறோம். கேப்டன் இல்லாத முதல் கட்சியின் தொடக்க நாள் கொண்டாட்டம் இது.
இப்போது இலவச மருத்துவ சிகிச்சை முகாமை தலைமை கழகத்தில் கொடி ஏற்றி தொடங்கி வைக்கிறோம். அதுமட்டுமின்றி டிஜிட்டல் சேனல் மூலம் உறுப்பினர் சேர்க்கை முகாம் தொடங்க உள்ளோம்.
தலைமை அலுவலகம் என்று அழைக்கப்பட்ட எங்கள் அலுவலகம் இன்று முதல் கேப்டன் கோவில் என்று அழைக்கப்படும். இப்படிப் பேசினார். இதைத்தொடர்ந்து செய்தியாளர்களிடம் பிரேமலதா கூறியதாவது:-
ஜிஎஸ்டிக்கு பிறகு அனைவரது வாழ்க்கையும் பாதிக்கப்பட்டுள்ளது. அன்னபூர்ணா உரிமையாளர் கேள்வியை உண்மையாகவும் நகைச்சுவையாகவும் கேட்டார். இதில் எந்த உள்நோக்கமும் இருந்ததா அல்லது அவர்களை இழிவுபடுத்தும் நோக்கத்தில் பேசியதா என்று தெரியவில்லை.
அதையே அப்போது நிதி அமைச்சரும் ஏற்றுக்கொண்டார். ஆனால் ஊடகங்கள் அதை பெரிதுபடுத்தியதால், அவர் தானாக முன்வந்து நிதியமைச்சரை சந்திக்க அனுமதி பெற்று அதன் அடிப்படையில் அவரை சந்தித்தார். அதற்கு அவர் மன்னிப்பு கேட்டார்.
அவ்வளவுதான். இதை அவ்வளவு பெரிய விஷயமாக எடுத்துக் கொள்ளாதீர்கள். அது ஒன்றும் பெரிய விஷயம் இல்லை. இதுவரை பல நாடுகளுக்கு முதல்வர் சென்றுள்ளார். இப்போது இங்கு என்ன திட்டம் என்பதுதான் மக்களின் கேள்வி. இது தொடர்பாக முதல்வர் வெள்ளை அறிக்கை வெளியிட வேண்டும்.
