KVN Productions-ன் நிறுவனர் வெங்கட் கே. நாராயணா, தொழிலதிபராக மட்டும் இல்லாமல் ப்ரஸ்டீஜ் குரூப்பின் தலைமை நிர்வாகி. கொரோனா காலத்தில், அவரது ‘KVN Foundation’ அறக்கட்டளை மூலம் 1 லட்சம் பேருக்கு தினமும் உணவுகளை வழங்கியதும் பேசுபொருளானது. இதனைத் தொடர்ந்து, 2021-ல் KVN Productions என்ற திரைப்பட தயாரிப்பு நிறுவனம் தொடங்கி, கன்னட திரையுலகில் பல முக்கியமான படங்களை உருவாக்கினர்.
கன்னட நடிகர் கனேஷ் நடிப்பில் வெளியான ‘சகத்’ திரைப்படம் KVN Productions-ன் முதல் தயாரிப்பாக இருந்தது. தொடர்ந்து, ‘பை 2 லவ்’ போன்ற படங்களை தயாரித்தும், ஃபண்டிங்கிலும் ஈடுபட்டு வந்தனர். சஞ்சய் தத், துருவ் சார்ஜா, ஷில்பா ஷெட்டி நடிப்பில் ‘கே.டி.டெவில்’ என்னும் படத்தினால் பெரிய அளவிலான வெற்றி பெற்றார்கள்.
KVN Productions-ன் வளர்ச்சியின் முக்கிய அங்கமாக, கன்னட சூப்பர் ஸ்டார் யஷ் நடிப்பில் உருவாகும் ‘டாக்சிக்’ திரைப்படம், மேலும், தமிழில் விஜய்யின் ‘தளபதி 69’ ஆகியவை உள்ளன. இந்த நிறுவனம் விக்ராந்த் ரோனா, 777 சார்லி போன்ற வெற்றிப் படங்களுக்குப் பின்னணி ஃபண்டிங் செய்துள்ளதுடன், RRR, சீதா ராமம் போன்ற திரைப்படங்களை கன்னட திரையரங்குகளில் விநியோகிக்கும் முயற்சியிலும் ஈடுபட்டுள்ளது.
