மக்கள் வரவேற்பால் ‘லப்பர் பந்து’ படத்தின் வசூல் அதிகரிக்க துவங்கியுள்ளது. தமிழரசன் பச்சமுத்து இயக்கத்தில், தினேஷ், ஹரிஷ் கல்யாண் மற்றும் பலர் நடிப்பில் வெளியான படம் ‘லப்பர் பந்து’.
பிரின்ஸ் பிக்சர்ஸ் தயாரித்துள்ள இப்படம் செப்டம்பர் 20-ம் தேதி வெளியானது. பெரிய எதிர்பார்ப்புகள் இல்லாமல் வெளியானது. இருப்பினும், அனைத்து விமர்சகர்களும் படத்திற்கு ஒருமித்த ஆதரவை வழங்கினர். படக்குழுவினரும் இதை வைத்து விளம்பரம் செய்ய ஆரம்பித்தனர்.
இதன் காரணமாக படத்தின் வசூல் முதல் நாளை விட 2-வது நாளில் இரட்டிப்பாகியுள்ளது. 2-வது நாளை விட தற்போது 3-வது நாள் இருமடங்கு உயர்ந்துள்ளதாக வர்த்தக நிபுணர்கள் கூறுகின்றனர்.
இந்தப் படத்தின் தமிழக உரிமை ரூ.5 கோடிக்கு விற்கப்பட்டது. தற்போதைய வசூல் நிலவரப்படி இந்த ரூ.5 கோடி 2 நாட்களில் எடுக்கப்படும். அதன் பிறகு வருவதெல்லாம் லாபம் என்கிறார்கள். இதற்கு கிடைத்த வரவேற்பால் படக்குழுவினரும் மகிழ்ச்சியில் உள்ளனர்.
இயக்குனர் வெற்றிமாறன், பா.ரஞ்சித் உள்ளிட்ட இயக்குனர்களும் படத்தை பார்த்துவிட்டு படக்குழுவினருக்கு வாழ்த்து தெரிவித்தனர்.
