செங்கல்பட்டு: தமிழகத்தில் வடகிழக்கு பருவமழை தொடங்கியுள்ள நிலையில், சென்னை, காஞ்சிபுரம், திருவள்ளூர், மதுரை உள்ளிட்ட பல மாவட்டங்களில் கடந்த சில நாட்களாக மழை பெய்து வருகிறது.
இந்நிலையில், செங்கல்பட்டு அண்ணாநகர், வேதாச்சலநகர், மகாலட்சுமிநகர் ஆகிய பகுதிகளில் மேற்கொள்ளப்பட்ட முன்னெச்சரிக்கை நடவடிக்கைகள் குறித்து செங்கல்பட்டு மாவட்ட ஆட்சியர் அருண்ராஜ் ஆய்வு செய்தார்.
அப்போது கலெக்டர் அருண்ராஜ், அண்ணாநகர் பகுதியில் உள்ள கால்வாய்கள் தூர்வாரப்பட்டதாக செங்கல்பட்டு பேரூராட்சி ஆணையரிடம் கேள்வி எழுப்பியதற்கு, இன்னும் தூர்வாரவில்லை என ஆணையர் பதிலளித்தார்.
நடவடிக்கை எடுக்க நகராட்சி கமிஷனருக்கு கலெக்டர் உத்தரவிட்டார். செங்கல்பட்டு மாவட்டத்தில் பருவமழையை எதிர்கொள்ள அனைத்து ஏற்பாடுகளும் செய்யப்பட்டுள்ளன செங்கல்பட்டு மாவட்ட ஆட்சியர் அருண்ராஜ் செய்தியாளர்களிடம் கூறியதாவது:-
ரொட்டி, பால், பிஸ்கட், தண்ணீர், உணவு தங்குமிடம் என அனைத்தும் தயார் நிலையில் உள்ளது. முதியோர் இல்லங்கள், அரசு தனியார் மருத்துவமனையின் தரை தளத்தில் மழை நீர் வரும் இடங்களில் கவனமாக இருக்க அறிவுறுத்தியுள்ளோம், செங்கல்பட்டு மாவட்டத்தில் பல்வேறு இடங்களில் ஆய்வு செய்து, தேங்கும் இடங்களில் மோட்டார் பொருத்தி தண்ணீரை அகற்ற நடவடிக்கை எடுத்து வருகிறோம்.
செயலாளர்களும் தங்கள் கிராமங்களில் விழிப்புடன் இருக்குமாறு உத்தரவிட்டுள்ளனர். மேலும் செங்கல்பட்டு மாவட்டத்தில் பல துறைகள் குழுக்கள் அமைத்து மாவட்டம் முழுவதும் 290 இடங்களில் தங்க முகாம்கள் அமைக்கப்பட்டுள்ளன.
