சென்னை: லவ் இன்சூரன்ஸ் கம்பெனி படத்தின் இசையமைப்பாளர் அனிருத் இசையில் உருவான ‘தீமா’ முதல் பாடல் அப்டேட் குறித்து தகவல்கள் வெளியாகி உள்ளது.
விக்னேஷ் சிவன் தற்போது எல்ஐகே (லவ் இன்ஷூரன்ஸ் கம்பெனி) என்ற படத்தை இயக்கியுள்ளார். இப்படத்தில் கதாநாயகனாக பிரதீப் ரங்கநாதன், கதாநாயகியாக கீர்த்தி ஷெட்டி நடித்து உள்ளனர். இப்படத்தை நயன்தாரா, விக்னேஷ் சிவனின் ரௌடி பிக்சர்ஸ் மற்றும் 7 ஸ்கிரீன் ஸ்டூடியோ நிறுவனம் இணைந்து தயாரித்துள்ளன.
இந்த படத்தில் எஸ்ஜே சூர்யா முக்கிய கதாப்பாத்திரத்தில் நடித்துள்ளார். அனிருத் இந்த படத்திற்கு இசையமைத்துள்ளார். இத்திரைப்படம் எதிர்காலத்தில் நடக்கும் கதைக்களமாக அமைந்துள்ளது. தனது காதலை அடைவதற்காக எதிர்காலத்திற்கு டைம் டிராவல் செய்யும் கதையாக இருக்கும் என தகவல் வெளியாகியுள்ளது.
இந்நிலையில் படத்தின் முதல் சிங்கிள் பாடலான ‘தீமா’ பாடல் நாளை 16ம் தேதி காலை 10.06 மணிக்கு வெளியாக உள்ளதாக படக்குழு தெரிவித்துள்ளது.
